Bíddu, bíddu, bíddu..... .????

Hvað er í gangi.. ???Er ég svona einfaldur eða...??

 

http://mbl.is/frettir/innlent/2011/01/30/skattbyrdi_haekkadi_milli_2008_og_2009/

Skattar lækkuðu 2006-2009

Er ekki landið...

Að rísa??? Allt að verða betra og hagvöxtur að aukast kaupmáttur launa að hækka og bara almenn og mikil velmegun rétt handan við hornið.. ???

Ekki er það upplifun þeirra sem eru að aðstoða þá verst settu..

Það er spurning hvar velmegunin er, en ég þekki ekki marga sem upplifa á eigin skinn aukningu í kaupmætti og blóm í haga með betri tíð..

Reyndar þekki engan, nema kanski.... Eða nei.. engan...

Ekkert dregið úr neyðinni milli ára

"Only in America..."

Er titill á lagi með hljómsveitinni Creed.. Gott lag ágætur texti og ádeila á samfélagið sem laga og textahöfundurinn Scott Stapp (ef minni mitt bregst mér ekki..) ólst upp í og býr í...

En þetta á svo oft við "Bara í Ameríku" eða "Bara í Bandaríkjunum" til að vera nákvæmari.. ..

Jólasveinnin á mynd ásamt barninu þínu og AK-47 eða eitthvað ennþá öflugra..

Hvað er fallegra en það í ramma uppá vegg eða á arinhillunni........

Bara í Ameríkuhrepp......

Vopnuð börn mynduð með jólasveininum

Það er ekki....

Mikið um það að menn bloggi við þessa frétt.. Ég velti því fyrir mér hversvegna þar er.. ??

Kanski vegna þess að þetta er JÁKVÆTT um áliðnaðinn... Hér er launin þó þokkaleg og starfsöryggið mikið..

Það er jú einhvers virði er það ekki??

Launþegar fá allt að 200 þúsund í jólabónus

Hvað erum við að tala um hér...??

Grænir skattar eru tískuorð, sem mikið hefur verið fabúlerað um undanfarin ár. Að skattleggja eftir mengun er í raun hugmyndafræðin, einfalt ekki satt..??

Nei þetta er ekki einfalt, "grænir" skattar hafa verið við lýði á Íslandi síðan það fór að flytja inn jarðefnaeldsneyti, það hefur sennilega alltaf verið vörugjald og skattur á kolum og olíu, og það er í sjálfu sér "grænn" skattur.

Ég skil hugmyndafræðina á bakvið "græna" skatta, en nái áform SJS fram að ganga um að skatturinn sé það hár að fyrirtæki standi ekki undir honum þá erum við á rangri braut.

 Ég myndi sennilega hætta að vinna og þiggja atvinnuleysisbætur ef að ríkið tæki allan minn hagnað í sinn vasa, svo mikið er víst og það myndu flestir sem ég þekki gera. Það er nefnilega hægt að skattleggja úr hófi fram og miðað við það sem við höfum séð á síðum blaðana undanfarið þá er veruleg hætta á því að ýmislegt leggist af verði þetta að veruleika.

Hvað er næst??

Hversvegna að stoppa hér við "fast jarðefnaeldsneyti... Eigum við ekki að leggja"kolefnisskatt" á þotueldsneyti..? Það verður að gera það ef að menn eiga að vera samkvæmir sjálfum sér, þotufloti landsmanna mengar mikið, og nokkrar krónur á hvern lítra þotueldsneytis hljóta að vera sanngirnismál, flugfélögin geta þá bara hækkað miðaverð til að mæta því..

Og meðan ég man.. Hefur einhvern tíman verði tekið saman hvað einn ferðamaður sem hingað kemur með hefðbundnum aðferðum mengar mikið... ??? Það er ekki nema að hann syndi hingað og labbi svo um landið sem hann er fullkomlega "grænn" ...

Nokkrar krónur í viðbót á bensín og olíulítrann eru þá væntanlega í pípunum.. enda ekkert tiltöku mál að borga aukna skatta af tekjum sínum og svona eins og 300 kall fyrir bensínlítrann. Og auðvitað hækkar það flutningsgjöld á láði og legi, sem er sennilega ekkert tiltökumál heldur...

Og við þurfum auðvitað að leggja aukin gjöld á Metanið, það kemur jú mengun frá þeim sem það nýta þó að hún sé kannski í minna magni...

Ég held að við hljótum öll að sjá að þessi jafna er ekki að ganga upp..

Ég sé ekki fyrir mér að menn séu tilbúnir að borga hvað sem er fyrir það að koma hér á Frónið og dvelja hér með ærnum tilkostnaði í mat drykk og eldsneyti þó að fallegt sé.... Nei ég held að við séum á rangri leið í þessum málum, það er eðlilegt að skattleggja fólk og fyrirtæki en það þarf nú að gæta meðalhófs í því sem og öðru...

Góðar stundir

Kolefnisskattur veldur uppnámi

Og hversvegna...

Gera þá Bresk stjórnvöld ekkert í málinu.. ??

Níðingsverk Ísraelsmanna eiga að vera búin að kalla á efnahagsþvinganir hið minnsta, hernaðaríhlutun hið mesta..

Þarna er verið að fremja þjóðarmorð fyrir augum alþjóðasamfélagsins og það eina sem kemur frá þeim sem horfa á eru ályktanir og eithvað ble...

Þetta er eins og reyna að slökkva skógareld með því að tala um rignignu í ræðustól.... Virkar ekki...

Ansvítans árans...

 

Reiðarslag fyrir frið

Skrapp...

Á fund til Reykjavíkur á mánudaginn var (31.10.11) og það er s.s. sem ekki í frásögurfærandi, nema hvað við (Stjórn Slysavarnarfélagsins Landsbjargar) fórum í heimsókn í hið nýja skip Landhelgisgæslunar, Þór.

Þetta nýja skip sem allt er hið glæsilegasta, er vel búið tækjum og tólum og er fært í flestan sjó, en ef sagt er svona frá því helsta þá má týna ýmislegt til.

• Gangharði 19.5 hnútar
• Togkraftur 120 tonn
• Stærð: breidd 16 metrar, lengd, 93,8 metrar, hæð 32 metrar, brúttótonn 3.920.
• Dráttarvindur 2 stk 250tt og 100t fjarstýranlegar úr brú
• 2 kranar 105 og 8 tonnmetrar.
• Þilfar 300m2, lestarrými 400m2, tankrými fyrir eldsneyti skips um 1.400m3
• MOB bátar 2 stk ganghraði 35 hnútar
• Aðalvélar 2 rúm 12.000.- hestöfl samanlagt (4.500kw hvor)
• Ljósavélar 4 550 kw hver
• Ásrafalar 2 1.600 kw hvor.
• 3 hliðarskrúfur 2 að framan 1 að aftan
• Azimuth skrúfa (viðurfellanleg snýst 360°)
• Samhæft stjórnkerfi
• Andveltisbúnaður
• Olíuhreinsibúnaður.

Þessi listi er ekki tæmandi þvert á móti, þetta skip er allt hið glæsilegasta handbragð og vinnubrögð hvar sem litið er eru til fyrirmyndar og allt mjög fínt og vel unnið.  18 manns eru í áhöfn, en hægt er að hýsa 48 manns í rúmum í það heila. 

Það mátti sjá á forsvarmönnum Landhelgissgæslunar að þarna var langþráður draumur orðin að veruleik og þeir hafa fulla ástæðu til að vera ánægðir með gripin.

Smellti af nokkrum myndum af herlegheitunum og fylgja þær hér með.

Nú er....

Fyrsti dagur í rjúpu..

Veiðimenn flykkjast til fjalla með það að markmiði að veiða í soðið, mismargar rjúpur eftir því sem við á.  Yfirleitt eru veiðimenn vel búnir og standa klárir á öllu þvi sem þarf til að koma heilir heim, en alltaf eru einhver brögð að því að menn fara vanbúnir eða ókunnugir til fjalla og lenda þar af leiðandi í vandræðum, eða þá að eitthvað bjátar á sem ekki var fyrir séð.

Undanfarin ár hefur það verið regla frekar en undantekning að björgunarveitir landsmanna hafi verið kallaðar til aðstoðar við veiðimenn, en sem betur fer hafa flest þau útköll endað vel með litlum sem engum afleiðingum fyrir veiðimenn og þeirra sem aðstoð veita.

Það er því ekki ofbrýnt fyrir veiðimönnum að fara varlega vera með góðar áætlanir um ferðalög sín og láta vita frekar fyrr en seinna horfi til vandræða af einhverju tagi.  Nú er það orðið svo að á flestum rúpnaveiðisvæðum er GSM samband og því hæg heimatökin að leyta eftir aðstoð gerist þess þörf.

En að þessu sögðu vil ég óska þeim sem á veiðar fara góðarar ferðar, útivistar og veiða.

 

Alveg hreint....

Ótrúlegt að tala um fyrirmyndarárangur, slá sér á brjóst og segja að hér sé allt á réttri leið.

Ein forsenda þessa "góða" árangurs er að þjóðarframleiðsla dróst saman um 7% sem er jú nokkuð gott miðað við mörg önnur lönd, en þetta var mælt í íslenskum krónum, þessi 7% og því er þetta nú ekki svo einfalt.  Miðað við fall gjaldmiðilsins þá dróst þjóðarframleiðsla líklega saman um 50%.

Svo veltir maður því fyrir sér hvort að allt sé á uppleið þegar svona fréttir eru á síðum dagblaða:

http://mbl.is/frettir/innlent/2011/10/27/65_prosent_aukning_gjaldthrota/

Einnig má benda á að hvaða skoðanir sem menn hafa á hinni "gömlu" einkavæðingu bankana, þá er sú nýja eiginlega súrealísk.. Við vitum ekki einu sinni hver á bankana, og bankarnir eiga sennilega yfir 40% af öllum fyrirtækjum í landinu eða gætu eignast ef þeir vildu, þvílíkt tangarhald hafa þeir á íslenskum efnahag.

Maður skilur ekki alveg hvað er í gangi.. !!!

Lækna þarf sárin eftir hrunið

Sárt er að kveðja góðan dreng...

Ég man fyrst eftir Jóni Ægir, eða Ægi eins og ég kallaði hann alltaf,  í leðurjakka og hlýrabol og kínaskóm drekkandi kók í gleri fyrir utan Essó sjoppuna á Djúpavogi . Leðurjakkinn var skreyttur barmnælum af ýmsum toga og þarna stóð hann keikur í nístings frosti og norðan garra og það beit ekert á hann. Einhvern vegin stóð mér ógn af þessum dreng sem sennilega var eini pönkari Djúpavogs, í það minnsta í mínum huga en þarna hef ég ekki verið nema um 11 ára gamall.  Kínaskór voru reyndar einkennisskófatnaður Ægis í fjöldamörg ár eftir þetta....

En ég kynntist Ægi betur seinna þegar við unnum saman í mörg ár hjá Búlandstindi á Djúpavogi, þar varð Ægir einn af mínum vinnufélögum og bestu vinum, við unnum öll þau verk sem til féllu, aðgerð, landanir, síldarsöltun og fleira í þeim dúr og alltaf var Ægir hvers manns hugljúfi.

Þarna vorum við nokkrir drengir á svipuðu reki sem unnum saman og skemmtum okkur saman og alltaf var góð stemming í þessum hóp og mikil gleði ríkti á vinnustaðnum þrátt fyrir að frystihúsvinnan hafi ekki endilega verið draumadjoppið, og var þessi góði andi ekki síst Ægi að þakka.

Einnig deildum við áhugamáli þó svo að hæfilekar mínir í hljóðfæraleik væru ósköp takmarkaðir þá höfðum við báðir mikinn áhuga á tónlist, og eftir að hafa starfað með Ægi og fleirum í hljómsveit um nokkur misseri, þá held ég að ég geti fullyrt að ljúfari dreng var erfitt að finna. Auðvitað voru menn ekki brosandi alla daga og auðvitað kastaðist annað slagið í kekki milli vina, en það breytti ekki því að grunnt var á glensið og gamanið og yfirleitt alltaf hafði það yfirhöndina.

Ég var harmi sleginn þegar ég frétti af sviplegu fráfalli gamals vinar og hans skarð verður seint fyllt. Djúpivogur hefur misst einn af sínum bestu sonum.  

Í draumi þeirra daga
var draumur okkar sá
Að mega verða að mönnum
sama marki ná

Í lífsins leik og gleði
var gatan oftast greið
Hvern gat órað fyrir því
hversu stutt yrði þín leið

Veturinn kom með vindinum
þá vitjaði okkar vá
Fréttin um að félagi
fallinn væri frá

Samt finnst mér það nú frekt
að fallið væri nú
Því flestir hafa lifað
svo miklu meira en þú

Ég að mestu var í móki
mæddist og varð meir
Stund sannleikans varð sýnileg
allt sofnar að lokum og deyr

Blómið þitt í bænum
barmar sér í nótt.
Yfir sumri og sól
sem fór allt of fljótt

Nú kveikjum við á kerti
þú berð krossinn eins og er
En minningin hún lifir
þú verður alltaf hér

Þú varst ljós sem að lýstir
meðan létt var þín lund
Skærasta stjarnan
á himninum um stund

Höf:Sigurgeir Vilmundarson

Hvíl í friði kæri vinur.

Unnustu, börnum og öðrum aðstandendum sendi ég mínar dýpstu samúðarkveðjur.

Vangaveltur um einelti og Ísland í dag....

Ég er Framsóknarmaður.. Þessi þrjú orð fá einhverja til að hætta að lesa.. Ein birtingarmynd eineltis, er að setja alla sem tilheyra ákveðnum hóp undir sama hatt. Framsóknarmenn, Vinstri græna, KR inga.. o.sfrv.

Önnur birtingarmynd er hunsun, þöggun, viðkomandi aðili frystur úti.. lúmskt og lítið áberandi og oftast nær unnið ómeðvitað.. Gerandanum stendur ógn af þolanda og reynir því að bola honum úr hópnum.. leynt og ljóst, og passar það einnig að þolandinn viti af því...

Ein birtingarmynd er ofbeldi.. líkamlegt það er sú birtingarmynd sem flestir tala um, en yfirleitt koma hinar tvær á undan.. Byrjar tiltölulega saklaust, og þróast út í eitthvað harðara.. Ofbeldið getur verið viðvarandi á sál og líkama og ef þolandinn er ekki þeim mun sterkari einstaklingur þá brýtur það hann niður hægt og bítandi...

Fyrstu tvær birtingamyndirnar eru fyrir okkar augum í fjölmiðlum alla daga,  í stjórnmálum og hinni opinberu umræðu sem nú á greiða leið inn á öll heimili landsins (eða þau 99% þeirra sem hafa nettengingu) 

Allt er hunsað sem ekki kemur frá réttum aðila.. Það er alveg sama hvar menn eru í sveit settir í póitík.. þetta gera allir.. Allt er dæmt sem sem kemur ekki frá "réttum" aðilum.. það hlýtur að vera vont, þetta kemur ekki frá okkur..

Engin umræða um eitt né neitt.. bara frammíköll og sleggjudómar.. engin rökstuðningur engin vitræn umræða..

Er það furða þó börnin okkar leggi í einelti eða séu lögð í einelti.. þau sjá þetta daglega upplifa þetta daglega, að það þarf ekki að rökstyðja eða ræða... Bara hrópa, úthúða og útiloka með mátulegum hroka og illkvittni.. þá nær þeirra mál fram að ganga..

Bæði meðvitað og ómeðvitað tileinka þau sér þessa tækni.. og verða eflaust betri í þessu en næsta kynslóð á undan.. og hvar endum við þá... ??

Ein orsök þess hvernig nú er komið fyrir okkur er einmitt sú að þeir sem silgdu gegn meginstraumnum, sögðu að þessi íslenski draumur (Fjármálaveldið Ísland) myndi ekki ganga upp, voru lagðir í einelti.. af fjölmiðlum, af pólitíkusum, af leikmönnum, af fræðingum,  af bloggurum... Af mér !!!... Við hlustuðum ekki, við skoðuðum ekki, við ræddum ekk,i við bara hrópuðum..

Það er sama sagan í dag.. við erum ekki enn farin að ræða, skoða, hlusta og gera, við erum enn í því að hrópa, dæma og kasta...

Förum nú að hætta þessum eineltis tilburðum.. setjumst niður og ræðum málin og grípum til aðgerða.. það er sama hver á í hlut,  LÍÚ, Samfykinginn, Samtök atvinnulífsins, Sjálfstæðisflokkurinn, ASÍ eða Framsóknarflokkurinn.. Allir geta lagt í púkkið.. og allir hafa hugmyndir sem örugglega virka, en ef eitthvað er hunsað, dæmt, útilokað eða afskrifað vegna þess að það kemur ekki frá "réttum" aðila, þá týnst það sem gott er í hugmyndum hvers hóps..

Samvinna er lykilorðið hér...

Góðar stundir...

Hvernig er þetta....

Eiginlega.. Er ekki utanvega akstur bannaður á Íslandi.??

Það var reyndar ekki það sem sló mig mest í þessari frétt að þarna sé verið að aka utanvega, þó að það sé slæmt heldur sú setning sem segir:

"Almennur akstur upp á Skógaheiði er bannaður og aðeins einstaka ferðaþjónustufyrirtæki, vísindamenn, björgunarsveitir og slíkir meiga fara þar um"

Þarna erum við að reka okkur á það sem margir hafa gagnrýnt en það er sú mismunum sem virðist fara vaxandi í umferð okkar um landið.  Sumir meiga en aðrir ekki... Hversvegna??

Ekki vil ég gera lítið úr þörf Björgunarsveita og vísindamanna við að aka um svæði sem eru lokuð og jafnvel við vissar aðstæður utan vega, en ég get á engan hátt skilið hversvegna slóðum og vegum er lokað fyrir almenningi.  Fyrir því eru bara engin rök.

Aðilar sem eiga landið og slóðana geta reyndar lokað á umferð, og þeim er það heimilt samkvæmt lögum, nema að slóðin eða vegurinn hafi fengið fé frá hinu opinbera, eins og t.d. úr fjallvegasjóði eða styrkvegasjóði eða ef veginum er sinnt af vegagerðinni varðandi viðhald og annað slíkt.

Nú veit ég ekki hverslags er með þenna tiltekna veg eða slóða en ef fé frá ríkinu hefur verið eyrnamerkt þessum spotta þá á hann að vera öllum opinn...

Telur hættu á að nýr vegur myndist