Þetta er spurning um að....

Það eru ekki til peningar fyrir nýjum Norfjarðargöngum, segir innanríkisráðherra ítrekað, en það eru til peningar til að lána í þessa framkvæmd... ?? Að vísu verður það endurgreitt.. kanski... Þarna má vel bora mín vegna.. en það á að vera á hreinu um hvað er verið að ræða.. rískisframkvæmd eða einkaframkvæmd.. það er ekki á hreinu hér.. og svo er það rétt sem Guðfríður Lilja segir að þetta bitnar á öðrum framkvæmdum því ekki er framkvæmt annarsstaðar á meðan peningar eru bundnir í þessu næstu 10 árin hið minnsta....

Skattgreiðendur verði ekki blekktir

Athugasemdir

[Hallgrímur Hrafn Gíslason, 25.4.2012 kl. 11:14]

Væri ekki rétt að fara að rukka í öll göng á Íslandi.  Borga 2-300 kr fyrir ferðina í áskrift og 1000 kr fyrir staka ferð. Mannlausar stöðvar en rukkað eftir myndavélum hjá þeim sem eru ekki með áskrift.   Mætti kannski hafa þær mannaðar yfir sumartímann þegar mesta traffíkin er.

Ég skil ríkið vel að vilja stiðja við Vaðlaheiðagöngin þar sem umferðin mun borga framkvæmdir að miklu leiti eða ölluleiti.

Umferðin mun aukast aðalega vegna þess að sumarhúsabyggð í Fnjóskadal verður innan við 20 km fjarlægð frá Akureyrií stað 40 km önnur leið.  Því munu þeir sem að stunda skíðasvæðin í Eyjafirði notast við Orlofsíbúðir og sumarhús í Fnjóskadal.

[Eiður Ragnarsson, 9.5.2012 kl. 07:56]

Það hefur oft verið rætt að rukka ætti í fleiri göng en Hvalfjarðargöng, en í sömu hendingu hefur verið bent á að þar sem rukkað er þar þurfi að vera möguleikar á öðrum leiðum ef menn kjósa að borga ekki.  Hinsvegar held ég að menn séu ekki að meta fjárfestingu í jarðgöngum rétt, það er verið að afskrifa þau á of stuttum tíma, þetta er fjárfesting sem einfaldlega er til staðar á meðan við komum til með að keyra á bílum um okkar land, fjárfesting sem nýtist komandi kynslóðum og því forsendur þess að leggja fjármagn í verkin ekki réttar.

Ég persónulega tel ákaflega vafasamt að umferð muni borga Vaðlaheiðargöng að fullu, skýrslur sýna ýmist bullandi mínus eða plús og því erfitt að átta sig á því.  Ég tel líka rangt að halda því fram að þessi framkvæmd (Vaðlaheiðargöng) hafi ekki áhrif á aðrar framkvæmdir, því að ríkið er jú að lána fyrir framkvæmdinni, og ríkið leggur þá paninga ekki í annað á meðan og bendi aftur á þá óvissu sem ríkir um að göngin greiði þetta til baka.

Í aðdraganda sameiningar sveitarfélaga hér fyrir austan, og fjárfestinga í stóriðju var því margsinnis lofað að samgöngur yrðu bættar, það lofaorð hefur því miður verið margbrotið af stjórnvöldum og nú er krafan háværari en nokkru sinni fyrr að staðið sé við gefin loforð.

Einnig var samkomulag um að Norfjarðargöng yrðu næstu göng á eftir Vestfjarðargöngum á sínum tíma, en lítið hefur verið um efndir á því heiðursmannasamkomulagi eins og dæmin sanna..