Ui Quibec

Sit hér á flugvellinum í Kvíbekk og bíð eftir flugi, úti er 24 stiga frost sól og blíða og Kanada skartar sínu fegursta til að kveðja okkur..

Framundan eru einir 16 tímar í flugi, bið og akstri áður en ég kemst heim í fjörðin góða..

Það verður ljúft.......

Harðorður..........ehf............

Velti því mikið fyrir mér hvort að ég sé ekki nógu "sjokkerandi" fyrir landann.......  Ég er að fá milli 40 og 70 heimsóknir á dag en ekki nema 1-2 athugasemdir.......ef svo margar....

Þarf greinilega að skrifa eitthvað sem vekur menn af meðalmensku internetsins.....

Það er kanski ekki neitt voðalega einfalt þar sem að ég er að öllu höfnu ákaflega rólegur maður, og ekki mikið gefinn fyrir fyrir það að hrista upp í fólki, en það er kanski eitthvað sem ég verða að venja mig af, og fara í þann gír að vekja fólk til umhugsunar og umræðna.

En nóg um það....  útlegðinn er senn á enda, og ég fer heim á föstudag ekki á morgun heldur hinn.  Get eki beðið,  þetta er búið  að vera alveg ágætt, en nú vil ég sjá skerið mitt og allt sem því fylgir.

Þórarinn á afmæli á þriðjudaginn og ég verð að hjálpa honum að skrásetja bílinn og gera hann klárann á götuna og margt fleira...   Ég færi ekki meir hér inn fyrr en heima verður lent........  Svo að ég segi:

Bless í bili, sí jú aránd....................

Hvað skyldi úrtakið hafa verið stórt???

Í þessari "hávísindalegu" könnun Nýsjálenskra vísindamanna..  

Þetta er svona svipuð tölfræði í mínum huga, og að það séu um 15% meiri líkur á því að þú sért samkynhneigður, ef þú ert örfhentur.......

 

Atferli jeppaökumanna rannsakað

Veit ekki.............

Hvern andskotan ég á að skrifa......  En þá er kanski best að sleppa því bara.

En... Þetta er eiginlega orðin skylda, svona eins og að vakna á hverjum morgni.... nei kanski ekki alveg en þó....

Helvítis vitleysa er þetta drengur, þú ert greinilega búinn að fá nóg af útlegð......

Hey þarna kom það, ég er farin að sakna:

• Heimahaganna allverulega.
• Þess að vera heima hjá fjölskyldunni.
• Þess að mæta í dósatalningu og kjaftsöguskipti á mánudagskvöldum úti í Þórðarbúð.
• Þess að fá 4 tegundir af veðri á dag, en ekki bara eina tegund á 2 vikum.
• Þess að geta ekki talað nema við einn aðila á mínu ástkæra ylhýra nema í gegnum síma.
• Þess að takast á við hormónaflæði eldri barnana og velvirkni örverpisins.
• Þess að sofa í mínu eigin rúmi við hliðina á konunni minni.
• Rífast....... Nei, rökræða við vel valda vini um bæjarmálin í Fjarðabyggð.
• Þess að blóta verðlagi á áfengi, og flestum öðrum vörum.
• Þess að hitta gamla settið og heyra í þeim.
• Jeppans míns og rúnts inná Svínadal.
• Þess að fara á Kaffi reyk með strákunum og fá mér einn, tvo, þrjá eða fjóra kalda.
• Og alls hins líka sem ég nenni ekki að setja hér inn....

En þessi námsferð er senn á enda, og leiðin liggur heim á föstudaginn á skerið sem ég elska svo mjög, og það verður ánægjuleg heimkoma það er ég viss um.

Það verður svona á svipuðum nótu og þegar ég kom úr mínum fyrsta víking, en þá lá leið mín um lendur Dana og Norðmanna í blíðskaparveðri, með fyrirtaks ferðafélögum.  Ekki var þetta ferðalag nema ein vika, og ég skemmti mér vel, en það var bara æðislegt að koma með Grænlandsflugi til höfuðstaðar norðurlands og lenda þar í rigningu og 5 stiga hita.....  

Ekki upplifðu ferðafélagar mínir þennan fögnuð og veðrinu var blótað hraustlega af þeim þremur i kór.

En þeim fækkar dögunum.......

 

Smá hugleiðingar......

Um málefni ársins 2006.    Aðalmálið var held ég, náttúra íslands og nýting hennar á mismunandi vegu.   Deilurnar snérust aðallega um það,  held ég, hvernig það á að nýta náttúru íslands, hvort að það eigi að byggja virkjanir til að nýta fallvötnin eða hvort að það eigi að halda öllu sem upprunalegustu til að nýta svo sem aðdráttarafl fyrir ferðalanga erlenda sem innlenda.

Mikið hefur verið talað um Kárahnjúkavirkjun í þessu sambandi sem gott/vont dæmi um nýtingu náttúruauðlinda Íslands og hafa skoðanaskipti í tenglum við þá framkvæmd verið af ansi hatrömmum toga.

Í tvær áttir hafa skoðanir manna togast og öfgarnar eru miklar þegar rökstuðningur hörðustu andstæðinga og fylgjenda er annars vegar.  Ég hef nú talið vænlegast að sleppa öfgunum sama hvor hópurinn á í hlut, því að það er jafnmikil lýgi að segja "þarna eru ekkert nema örfoka melar" eða "þarna er algerlega gróin náttúruvin sem á sinn engan líkan í veröldinni".

En þetta er nú ekki það sem vangaveltur mínar snérust um í upphafi (alveg merkilegt hvað maður dregst stundum út fyrir fyrirhugað efni).

Upphaf þessara hugleiðinga var heimsókn mín og Jóns bróðurs míns í landmannalaugar árið 2002.  Ég hafði þá fjárfest í mínum fyrsta jeppa og við bræðurnir ákváðum að halda á fjöll til að njóta íslenskrar náttúru með nesti og nýjan bíl.  Lögðum við í hann frá Seltjarnarnesi seinnipartin á föstudegi og ákváðum að keyra sem leið lá í landmannalaugar.

Við komum í Laugarnar um miðnætti um kvöldið, og urðum frekar hissa þegar við komum þangað.  Síðast þegar við vorum þar saman þá vorum við þar á ferð með gamla settinu, líklega árið 1986.  Mikið hafði breyst á þeim tíma sem taldi þessi 16 ár, minningin um náttúruvinina Landmannalaugar varð að martröð.

Á þessum 16 árum hefur fjöldi ferðamanna um svæðið líklega tífaldast og það sést, okkur fanst þessi vin bernskuminninganna ekki hafa elds vel, þarna var greinilega komið langt útfyrir öll þolmörk svæðisins hvað varðar fjölda ferðamanna, og þeir blettir sem voru áður grónir með háfjallagróðri voru moldarflög ein eða á góðri leið með að verða það.  Á hlaðinu fyrir framan hið risafaxna salerni sem búið var að byggja á svæðinu, var þakið misstórum tjöldum vel yfir fyrsta hundraðið, ansi þétt raðað.

Okkur taldist til að í allt væru þarna á svæðinu eitthvað vel þriðjahundraðið og okkur fanst það fullmikið svo að við keyrðum áleyðis Nyrða-Fjallabak, þar til að við fundum góðan stað til að leggja bílnum og búast í háttin.

Í stuttu máli Landmannalaugar sem paradís á hálendi Íslands var ónýt, eða í það minnsta stóskemmd, allavega í okkar huga sem upplifðum hana tæpum tveimur áratugum fyrr, hvað þá fyrir þeim sem komu þangað á fyrstu árum reglulegra ferða þangað.

Hálendið er takmörkuð auðlind, sérstaklega sem ferðamannastaður, bæði vegna aðgengis, stutts nýtingartýma og vegna takmarkaðs þols á átroðningi og ekki skulum við gleyma því að flestir skálar á hálendinu eru byggðir af sjálfboðaliðum og að ef svo væri ekki myndi engin gera það, kostnaðurinn væri of mikill.

Þarf kanski að vernda hálendið fyrir ferðamönnum áður en langt um líður??????

Maður spyr sig...................

Tær snilld

Ég veit ekki alveg hvað það ágæta fólk sem sat inni á Mc Donnalds í Donnacona í Kanada, hélt eiginlega hvað væri í gangi þegar við sáum það í símanum mínum að "Strákarnir okkar" skildu ná þessum árangri. 

"Glæsilegt" hrópað af tveimur íslendingum í kór á 90 desibilum inni á skyndibitastað, getur eflaust hlómað ógnvekjandi í eyrum frönskumælandi Kanadamanna.  Við áttum óskipta athygli þeirra í dágóða stund.  Nú er bara að vona að framhaldið verði jafn gott og að við íslendingar stöndum með þeim í gagnum þykkt og þunnt.

Ég man eftir því að hafa einu sinni skammast mín fyrir það að vera íslendingur, en það var þegar landsliðið okkar tapaði fyrir Svíum og endaði í 4 sæti á HM.   Ég var þá staddur í Smárabíó og horfði á leikin þar ásamt fjölda annara, og þegar úrslitin voru ljós gengu menn út með hangindi haus og formælingar á vörum gagnvart þessum afreksmönnum okkar, sem náðu þeim glæsilega árangri að énda í 4 sæti á heimsmeistaramóti.

4. SÆTI!!!!!! ég átti ekki orð, því að mér fannst fjórða sæti vera bara helvíti gott, 3 hafði verið betra, en 4 var samt frábært.  Það hefði verið viðeigandi fyrir okkur sem þarna vorum, að standa upp og klappa fyrir þeim árangri, hákarlsétandi smáþjóðar sem býr langt fyrir norðan byggileg mörk, að enda í fjórða sæti í kappleik við miljónaþjóðir úti í heimi. 

En nei, frekar var tilhneigingin til að formæla þeim fyrir að geta ekki betur og fyrir það skammaðist ég mín.....    En ég klappaði svo sem ekki heldur, hafði ekki nógu mikið bein í nefinu til að vera sá eini meðal rúmlega 200 til að klappa...

Það er góður árangur útaf fyrir sig að fá að vera ein af þeim þjóðum sem tekur þátt, allt annað er bónus.

En ég er kanski bara of nægjusamur

KOMA SVOOOOOOOOOOOOOO!!!!!!!!!!!

Íslendingar gjörsigruðu Evrópumeistaralið Frakka

Að fella eða fella ekki......

Vitnað í Steingrím J Sigfússon: "Það viðrar vel til falls ríkistjórnarinnar" 

Ég velti því fyrir mér hvað Steingrímur og félagar myndu gera ef að Geir H myndi bjóða þeim til ríkisstjórnarsamstarfs???

Ef að þeir tækju tilboðinu, eru þeir þá búnir að fella ríkisstjórnina??  Og ef að þeir væru sjálfum sér samkvæmir þá kemur líklega ekki til greina annað en samstarf með hinum stjórnarandtstöðuflokkunum, eða hvað??

Ég held að þeir sem að standa í þessari blessaðri pólitík, alveg sama hvar þeir eru í sveit settir, eigi að einbeita sér að málefnum og setja það niður fyrir kjósendur hvað þeir í raun vilji gera, og að hafa það á mannamáli svo að valkostirnir séu skýrir....

Það þurfa allir flokkar að taka sig saman í andlitinu og segja það skýrt og skorinort hvað þeir vilja standa fyrir og hvernig þjóðfélag þeir vilja standa að.  Og ekki nóg með það heldur þarf einnig að sýna fram á það að það sé hægt að ná þeim markmiðum með skynsamlegum hætti heildinni til heilla.

Til dæmis er gæti verið hægt að lofa skattalækkunum (sem er reyndar ansi vinsælt) en þá þarf líka að sýna fram á það að þær skelli ekki í andlitinu á fólki með skerðingu á öðru svo sem heilbrigðisþjónustu eða einhverju öðru.

Að hafa það eitt á stefnuskrá, eins og að fella eitt stykki ríkisstjórn er ekki mjög málefnalegt........

En svo má líka velta því fyrir sér hvort að það þurfi nokkuð að taka það fram, ef að þú ert í stjórnarandstöðu, að þú viljir fella ríkisstjórn???

Bonjour....

Rafmagnsleysi...

Hvað myndi gerast ef að allt stór-Hafnarfjarðarsvæðið yrði rafmagnslaust í heila viku eða meir??

Horfði á þátt á Discovery Channel þar sem sagt var frá miklu frostregni sem sleit allar rafmagnslínur til Montreal nema eina.  Það þarf ekki að fara neitt vandlega yfir það hvað það þýddi fyrir þessa miljónaborg í Kanada. 

Við erum orðin svo háð tækni til að draga fram lífið, að það liggur við að rafmagn sé okkur mikilvægara en matur, og að missa rafmagn í meira en einn til tvo daga, er eitthvað sem flestum þykir frekar óskemmtileg tilhugsun.

Ég man eftir því þegar ég var krakki heima á Djúpavogi, að það varð stundum rafmagnslaust, en í minningunni flylgdi því lítið vesen, en það skýrist kanski af því að maður var nú varla stiginn úr bleyjunni.   Ef ég man rétt þá varð einu sinni rafmagnslaust á Djúpavogi í tvær vikur yfir jól þegar spennustöð Rarik brann.  (vinsamlegast leiðréttið mig ef ég fer með ragnt mál)

Getur einhver sem er á svipuðu reki og ég, og hefur aldrei upplifað rafmagnsleysi af neinu tagi ímyndað sér Jól án rafmagns????  Ég á allavega í vanræðum með það!!

Nei bara svona vangaveltur.........

Öllum hefur verið bjargað úr skíðalyftunum

Það er hlýrra í kvöld..........

.....heldur en var í morgun, alveg heilum 8° á celsíus, sem þýðir að nú er 19 stiga frost.  Reyndar skiptir það okkur ekki svo miklumáli, það er jú víst einhver hiti í umferð í svona týpísku álveri, og ferðin frá vinnustaðnum að hótelinu er stutt og því tekur það fljótt af.  En ef maður þarf að ganga hér um eða labba eftir eins og einum bjór, þá frjósa fljótlega af manni eyrun.....  Og þar sem maður reyndi nú að pakka létt þá er engin húfa eða þykk úlpa með í för, né heldur föðurland eða hlýir skór.

Hef ekki fylgst neitt gríðarlega mikið með fréttum að heiman, mér skilst að það séu vandræði með ráðningu slökkvistjóra í Fjarðabyggð og að bæjarráð hafi falið Guðmundi Sigfúsyni (Mumma) yfirstjórn liðsins í eitt ár til bráðabyrgða.   Mér finnst þetta eiginlega hálf undarlegt í ljósi þess að það hafur verið talað um það margoft í bæjarbatteríinu að það sé heldur mikið á könnu umhverfissviðsins, og þá er lausnin að bæta aðeins meiru við.....  Nú ég ekki skilja, eins og einhverjir hefðu sagt.....

Þó er það ánægjulegt að sjá að vinna við Aðalskipulagið er komin á flug, verst er að missa af því, og einnig er ég frekar svekktur yfir því að missa af Þorrablótinu, sérstaklega þar sem það verður haldið í íþróttahúsinu, eitthvað sem ég vildi gera fyrir 3 árum síðan þegar ég var í nefnd, því að Félagslundur var þá þegar orðin alltof lítill.......  Ég vona bara að það fari vel um sveitunga mína og að þeir skemmti sér vel.

Einnig er eg gríðarlega ánægður með félaga mína hjá Ársól, en þeir standa sig vel strákarnir, langt komnir með að reisa grindina af viðbyggingunni við Þóraðarbúð en það er eitthvað sem ég hefðði viljað taka þátt í.  Maður verður bara að vera þeim mun duglegri þegar heim er komið, það þarf til dæmis að fara í feita fjáröflun til að smíða peninga til að hægt sé að borga herlegheitin.....

Sí jú aránd

Kanada..

Er bara assgoti næs.... Fór víða um í dag, keyrði einn góðan rúnt hér aðeins útfyrir  Trois-Rivières þar sem við erum núna.  Náði nokkrum ágætum myndum, en það vantar algerlega einhverja hæð eða hól sem hægt væri að fara uppá til að fá einhverja yfirsýn yfir svæðið, en hér er allt frekar flatt.

Á morgun verður farið til Bécancour og farið yfir það hvernig víravélin virkar, en það mun verða verkefni okkar næstu daga.  Það verður gist hér og keyrt á milli, kvölds og morgna.

Fórum aðeins út á lífið í gærkveldi, það var bara assgoti gaman, en hér loka skemmtistaðirnir kl 2 svo að það vara bara farið nokkuð snemma að sofa. 

Ég ætla að reyna að skella hér inn nokkrum myndum, en netsambandi ðer ekkert svakalega hratt svo að það er ekki víst að það gangi......