Rusl

Ég var staddur í höfuðstaðnum um dagin, sem er s.s. ekki í frásögur færandi því ég er þar alltaf annað slagið.  En nú brá svo við að ég hafði ekki bíl til umráða, sem er mjög erfitt fyrir svona dreifara eins og mig. En hvað um það, ég brá undir mig betri fætinum og skrapp í morgungöngu af Hótel Óðinsvé þar sem ég gisti og gekk aðeins um borgina, aðallega gamla miðbæinn en ég endaði inni á félagsheimili landsbyggðarlýðsins, Kringlunni.

Það sem stendur eftir í mínum kolli eftir þessa gönguferð, er fyrst og fremst eitt, götur eru ruslafötur, því að það var nánast sama hvert litið var allstaðar var rusl í massavís, í runnum inni á lóðum við gangstéttar á bílastæðum og eiginlega hvert sem litið var.

Ég er ekki mjög sigldur en er þetta svona í öðrum borgum heimsins, ég bara spyr??? Eða erum við sem búum á skerinu einstakir sóðar?  Ég bara veit það ekki, en ég velti því fyrir mér hvað þeim ferðalöngum sem gistu á sama hóteli og ég og voru greinilega að að spígspora um borgina með feitar myndavlélar um háls sér, finnist um herlegheitin.

ég bara veit ekki!!!!!!!!!!!!!

Athugasemdir

[Hallfríður Bjarnadóttir (IP-tala skráð) 4.5.2006 kl. 08:37]

Hefur þú ekkert farið um þéttbýlið Reyðarfjörð nýlega? Ruslið við þjóðveg nr 92 í gegnum bæinn, plast fjúkandi um allan bæ, glerbrot á götum og gangstéttum o.fl.o.fl. Líttu þér nær kunningi. Ég er hinsvegar alveg sammála þér um ruslið í Reykjavík, getur verið að þetta hafi eitthvað með stjórnun bæjarfélaganna að gera? Þar sem bæjarstjórnir sýna lítinn metnað í umgengni um bæjarfélagið sökkva íbúarnir í sama fenið!

[Þórður Guðmundsson (IP-tala skráð) 5.5.2006 kl. 15:56]

hmmm... af því að þú varst að tala í bjálkann í auganu um daginn þá finnst mér hann einhvernveginn eiga vel við hér. Finnst að menn í bæjarstjórn ættu frekar að tala m ruslið sem gersamlega flæðir hér um göturnar, og hafa áhuyggjur af því, heldur en rusli sem liggur í 700 km fjarlægð

[Eiður Ragnarsson, 6.5.2006 kl. 22:36]

Jæja Doddi minn!!

Rusl í rótgrónum hverfum höfuðstaðarins er ekki það sama og við erum að upplifa hér á austurströndinni.

Það sem ég var fyrst og fremst að tala um voru sælgætisbréf, gosumbúðir, sígarettustubbar o.þ.h. rusl sem dettur út um bíglugga landans er hann keyrir um stræti stórborgar.

En hér er ruslið, fyrst og fremst ryk og mold og drulla tilkomið vegna þeirra miklu framkvæmda sem hér eiga sér stað, en ekki sorp eins og ég sá í borginni við sundin.

Mér finnst munur á því en hvað um þig Doddi minn?

[Sóley Valdimarsdóttir (IP-tala skráð) 7.5.2006 kl. 13:48]

Ég er alveg sammála þér um ruslið í höfuðborginni, það er til háborinnar skammar. Í þeim stórborgum sem ég hef ferðast er þetta ekki svona.

Kveðja Sóley

[Sóley Valdimarsdóttir (IP-tala skráð) 7.5.2006 kl. 13:52]

Sæll. Ég er alveg sammála þér um ruslið í höfuðborginni, það er til háborinnar skammar. Í þeim stórborgum sem ég hef komið í er þetta ekki svona.

Kveðja Sóley