Effellturninn....

Var verkfræðilegt undur á sínum tíma og er eiginlega enn. Gríðarleg vinna fór í byggingu þessa fyrirbæris og hönnunina sem átti varla nokkurn sinn líka á þessum tíma.

En viti menn, þessari smíð sem nú er eitt af þekktari kennileitum í heiminum, og miljónir manna heimsækja á hverju ári, var á sínum tíma mótmælt af listaspírum Frakklands og orð eins viðundur, skrímsli og sóun voru í miklu uppáhaldi hjá þeim sem mótmæltu.

Er það regla að fólk sem hneigist til lista sé á móti verkfræðilegum stórvirkjum, óháð stað eða stund????

Maður spyr sig............

Athugasemdir

[Sigurjón N. Jónsson, 20.3.2007 kl. 16:20]

Það er rosaleg afturhalds semi gegn framförum í þjóðfélaginu.  Maður sér bara hvernig Vinstri grænir eru núna á móti öllu nema rækta fjallagrös og vilja ekki nota auðlindirnar okkar sem landið hefur til að byggja upp fyrir komandi kynslóð.  Þetta er líka eins og með Framsóknarmenn sem fóru og voru á móti símanum í gamla daga og kommúnistunum sem vildu ekki leyfa kanasjónvarp og sjónvarp á fimmtudögum.

[Sigurður J. (IP-tala skráð) 20.3.2007 kl. 16:21]

Góður punktur hjá þér.   Meirihluti "undra veraldar" sem laða til sín ferðamenn í stórum stíl eru manngerð afrek, sem byggð eru á hátækni hvers tíma.  

[Gunnar Th. Gunnarsson, 23.3.2007 kl. 00:50]

Kannski ofmælt að það sé regla, en óneitanlega virðist vera fylgni þarna á milli. Það er sagt að til að lifa af list þurfi að maður að vera mikill egóisti og hafa mikið sjálfsálit. Kannski að hið mikla sjálfsálit geri menn óbilgjarna og umburðarlausa gagnvart smekk og skoðunum annara.