365 daga á ári......

Og 24 klst á sólarhring, það er vaktin sem björgunarsveitarmenn og konur standa að öllu jöfnu.  Þessi vakt er staðin hvernig sem viðrar og alltaf eru einhverjir klárir í útkallið, ef það skyldi koma.

En það er um að gera að gera SL erfiðara fyrir, því nú er einhver snillingur búinn að kæra félagið til samkeppnisstofnunar og samkeppnisstofnun búin að úrskurða að félaginu sé skylt að vera með tvöfaldan rekstur, eina deild sem sinnir því sem talist geti samkeppnisrekstur og aðra deild sem heldur utanum allt hitt.

Þvílí endemis djöfulsins vitleysa, maður á ekki til orð yfir þessu!!!  Á meðan við sem búum úti á landi borgum vikulaun verkamanns í flugfargjöld til höfuðstaðarins, og samkeppni þar er engin og því okrað á okkur, þá eru samkeppnisyfirvöld að vasast í því að veikja stærstu sjálfboðaliðasamtök á íslandi með svona vitleysisgangi.

Ég efast um að þessi söluaðili sjúkrakassa sé tilbúinn til að leyta að rjúpnaskyttu á komandi veiðitímabili, né vokkuð annað af því sem að björgunarsveitirnar standa í daglega, ja nema kanski gegn borgun.

Ég held að það sé komin tími til að stokka upp samkeppniseftirlitið allt, þannig að það beiti sér þar sem virkileg samráð og fákeppni er til staðar, en ráðist ekki á samtök sem eru að vinna í almannaþágu.

Sjá nánar hér:

http://www.mbl.is/mm/frettir/innlent/frett.html?nid=1297856

Athugasemdir

[Hilmar Ingi Ómarsson (IP-tala skráð) 21.10.2007 kl. 13:10]

Endæmis þvæla er þetta.

[Hákon Unnar Seljan Jóhannsson, 21.10.2007 kl. 18:57]

Þetta tel ég vera nauðsynlegt enda hefur Slysavarnarfélagið ýtrekað verið að selja sjúkrakassa undir kostnaðaverði til að bola út samkeppnisaðilum og svo nota þeir allt happdrættið og landsafnanirnar í þetta og eftir standið þið með verri jeppa.

Nei er það nokkuð þetta er skrýtinn dómur. 

[Jón Ragnarsson, 22.10.2007 kl. 14:14]

Kærði einhver? Hvers konar djöfuls ræfill er þetta?

[Hafliði Hinriksson, 22.10.2007 kl. 22:40]

og þessi "ræfill" kærði með nafnleynd......

[Jón Ragnarsson, 22.10.2007 kl. 23:47]

Ertu ekki að grínast, Hafliði? Ég myndi nú áfrýja þessu ASAP.

Annars er bara að ganga á milli "hinna" verslananna og spyrja...

[Eiður Ragnarsson, 23.10.2007 kl. 16:27]

Hákon!  SL hefur ekki verið að selja kassana á kostnaðarverði, heldur hafa þeir verið seldir með álagningu og þeir eru ekki ódýrari en aðrir sambærilegir á markaði, þannig að maður skilur ekki samkeppnissjónarmiðið í þessu öllu.

Ef kassarnir hefðu verið mikið ódýrari en hjá öðrum, þá skildi maður gremjuna hjá samkeppnisaðilum, en því hefur ekki verið svo farið.

Þetta er bara einn partur af því sem koma skal sýnist mér, við erum nú þegar í vörn þegar kemur að sölu flugelda, nú eru það sjúkrakassarnir og eflaust tekst hinum "frjálsu" markaðsöflum að finna eitthvað sem við seljum til að rífa af okkur.

Ekki sé ég það fyrir mér að þessir aðilar séu tilbúnir til að leggja ómælda vinnu og kostnað við að aðstoða og bjarga fólki og öðru þegar þess gerist þörf.

[Hilmar Ingi Ómarsson (IP-tala skráð) 23.10.2007 kl. 22:56]

Hákon, hvar hefur þú eiginlega verið að smíða geimflaugar ? Eigum við að ræða það eitthvað frekar ? nei ég hélt ekki !