Peninga meninga..

Já hvar á að taka þessa peninga??  Það er von að Jóhanna spyrji..

Hmmm látum okkur sjá, hvort er léttara fyir mig sem meðaljónin, að borga fáheyrðar og glæpsamlegar verðbætur til banka eða sjóða sem eru í eigu ríkisins, eða aðeins hærri skatta, þar til ég hrekk uppaf????

Ég er ekki í vafa.

Einnig má velta því fyrir sér hvort að það sé nokkuð þörf á því að finna peninga í þetta, þetta er einungis lleiðrétting á fáheyrðum verðbótum, sem nú eru búin að hækka mitt íbúðalán um 4 miljónir á 3 árum, þrátt fyrir það að ég sé búinn að borga um 3,6 milljónir á þessum þremur árum inn á sama lán...   Er það ekki rán ég bara spyr??

Framreiknað má búast við því að þetta lán mitt sem var 18 milljónir, (en ég fékk aldrei að sjá nema 17,3 því ríkið slatta í skatt og fyrirframgreidda vexti) endi í milli 80 -100 milljónum, þegar upp verður staðið..

Þá finnst mér nú ekki mikð þó að þessi leiðrétting komi til......

Ég held að Samfylking og Jáhanna séu bara súr yfir því að hafa ekki hugkvæmst þetta á undan Framsókn, og því prétiki þau sem harðast gegn þessu.....

Og hananú

Hvar á að taka þessa peninga?

Tilraun....

Hér er smá tilraun:

 

Því miður....

Þá er það sem gerist yfirleitt við svona aðstæður að menn missa stjórn á sér..  Það er jú bara mannlegt.

Ég held að í hvert sinn sem múgæsing sem þessi myndast þá skaðist málstaður mótmælenda verulega og því þurfi þeir að hugsa sínar aðferðir uppá nýtt, og tryggja með einhverjum hætti að ró haldist.

Setjum okkur bara i spor lögreglunar á svæðinu:

Við stöndum vörðu um Alþingishúsið, reiður hópur mótmælenda lemur potta og pönnur og ber skilti við öxl sem á standa hin ýmsu skilaboð til stjórnvalda.  Ekki er neitt athugavert við það.

Síðan líður dágóð stund og mótmælendur fara að ókyrrast og ögra lögreglu, með skyrkasti formælingum og látbragði, ekki gerist neitt enn við það, en svo kemur að því að einn af laganavörðum brestur þolinmæði, hann stjakar við mótælanda svo hann fellur við.

Þetta kostar enn meiri formælingar og þeir í hóp mótmælenda sem vilja hleypa þeim upp sjá að þarna er veikur blettur og flykkjast þangað og fyrr en varir er allt orðið vitlaust.  Saklausir mótmælendur sem vildu mótmæla með friðsömum hætti og lögreglumenn með langlundargeð á við Gandhi lenda saman í piparúða og grótregno og allt fer fjandans til.

Þið megið ekki skilja mig sem svo að ég telji að það sé alltaf mótmælendur sem eiga upptök, en ég tel það þó líklegra, en við vitum líka að það er ekki hægt að setja alla undir sama hatt hvorki mótmælendur né lögreglu.

En þetta er samt möguleg atbutðarrás og hafið það í huga að þó að þett gerist nákvæmlega svona þá kannast hvorki mótmælendur né lögregla við þessa atbutðarrás, en afhveju??

Jú það er vegna þess að taugar eru þandar til hins ítrasta og viðbrögðin eru nánast ósjálfráð og ómeðvituð.

Svona aðstæður eru og verða alltaf púðurtunna með logandi kveik, það er bara spurning hvenær kveikurinn brennur upp og allt springur í loft upp......

 

 

 

Slökkt á bálinu við Alþingi

Hvað er....

Stjórnmálaflokkur....??  Eða hvað á stjórnmálaflokkkur að vera???

Stjórnmálflokkur er hópur einstaklinga sem vill hafa áhrif á það í hvernig samfélagi þeir búa, og beitir til þess reglum þeim sem þeir sjálfir hafa sett í gegnum tíðina, leikreglum lýðræðis.

En stjórnmálaflokkar þróast og stundum villast þeir af leið og enda á öðrum stað en þeim er ætlað, eða ölluheldur á öðrum stað en grasrótinn eða grunnurinn vill.  Það er það sem gerðist hjá Framsókn, flokkurinn varð eitthvað annað en honum var ætlað, hann viltist af leið en nú er búið að beina honum á rétta braut.

Mis miklar mannvitsbrekkur fara nú mikin í því að reyna að sverta Framsókn og þennan tímamótaviðburð í íslenskum stjórnmálum, og gagnrýnin hjá þeim flestum er langt frá því að vera málefnaleg, það vantar bara herslumuninn að þeir kalli Sigmund Davíð skilgetið afkvæmi kölska sem hingað er kominn til að kalla yfir okkur ragnarök.

En Sigmundur var kallaður til af fólki sem vildi sjá breytingar og hefja þennan gamla flokk til vegs og virðingar á ný, fólki sem rétt eins og hver annar Íslendingur var búinn að fá nóg af dáðleysi stjórnvalda og vildi sjá róttækar breytingar, venjulegu fólki, Jóni og Gunnu hinnar íslensku þjóðar.

Og byltingin er hafin, nú hefur grasrótin yfirtekið sinn gamla flokk og vill láta til sín taka í því að endurreisa það góða ísland sem við eigum að venjast, stokka upp og taka til.

Nú hefur grasrótin látið Framsókn sæta ábyrgð á hlut flokksins í hruninu, með því að skipta um forustuna alla og byrja upp á nýtt.

Og nú er flokkseigandafélag Framsóknar komið í dreifða eignaraðild grasrótarinnar.....

Flokknum bjargað, segir Siv

Moldarlykt....

Nú er þessu 30. flokksþingi Framsóknar lokið og ekki var það tíðindalítið.  Ný stjórn kjörin og margar frábærara ályktanir lagðar fram og samþykktar og það er alveg ljóst að ný stefna er mörkuð í íslenskri pólitík.

Það er alveg sama hvað andstæðingar Framsóknar segja þeir geta ekki horft framhjá þeirri staðreynd að það er grasrót flokksins sem hefur unnið fullnaðarsigur.

Sigmundur er fulltrúi grasrótarinnar, svo mikill fulltrúi hennar að það er beinlínis moldarlykt af honum.  Það voru nokkrir  óbreyttir flokksmenn sem hvöttu hann til að taka að sér þetta mikilvæga hlutverk, að hefja flokkinn til vegs og virðingar á ný, og þessir sömu flokksmenn töldu það löngu tímabært að endurnýja forustuna, og það tókst svo sannarlega.

En við meigum ekki heldur gleyma því hvað gerðist fleira á þessu þingi.

Tillögur sem lúta að því að endurvekja traust fólks á stjórnmálum, nýtt kosningafyrirkomulag, stjórnlagaþing, og margt fleira sem ég mun ekki nefna hér nú, en þi mínum huga hefur Framsókn tekið forustuna í því að taka til í sínum ranni, og það verður fróðlegt að sjá hvernig öðrum flokkum mun takast að feta í okkar fótspor.

Í dag er ég sérstaklega stoltur af því að vera Framsóknarmaður, áfram Framsókn....

Sigmundur kjörinn formaður

Er fækkun á Austurlandi???

Eitthvað hefur verið rætt um það núna á síðustu vikum að á Austurlandi hafi verið fækkun íbúa milli ára þrátt fyrir það að hér hafi farið fram einhverjar mestu atvinnuframkvæmdir í íslenskri iðnaðarsögu.  Það hefur verið skrafað og skeggrætt og margur verið að velta þessu fyrir sér og ekki er alveg laust við að það hlakki í andstæðinum þessara sömu framkvæmda.

En hvað veldur og því er þetta ekki skoðað í kjölin til að skilja hvað sé hér í gangi??

Ég lít svona á dæmið.  Það hefur ekki fækkað á Austurlandi, í það minnsta ekki á áhrifasvæði framkvæmdana, heldur er einungis um að ræða brottflutning á því umframvinnuafli sem hér hefur verið vegna þeirra.  Síðustu starfsmenn við Kárahnjúkavirkjun fara til dæmis ekki fyrr en næsta haust, og enn eru í vinnu hjá Alcoa tímabundinr starfsmenn frá bæði Evrópu og Ameríku.

En skoðum þetta aðeins nánar:

Ef við tökum íbúatölur síðustu 11 ár (frá 1997) til 1 des 2008 þá kemur nefnilega ýmislegt í ljós.

Árið 1997 bjuggu á Austurlandi 12.397 íbúar, en næstu ár á eftir fer þeim fækkandi og ná lágmarki árið 2002 en töldu þá 11.617 en eftir það fór þeim að fjölga aftur og hámarkið var í miðjum framkvæmdum eða árið 2006 og voru "Austfirðingar" þá um 15.306 en inni í þeirri tölu eru allir erlendir verkamenn og stjórnendur bæði Imprgilo og Bechtel en reikna má með að í heildina hafi það verið mest um 3.000 manns.

Eftir að framkvæmdum var nánast lokið þa lækkað tala Austfirðinga ört og í desember síðastliðnum taldi þessi fjórðungur 12.882 en taldi 2007 13.901

Þessar tvær tölur eru það eina sem hefur verið einblínt á, en þarna eru brottfluttir um 900, en það skýrist að mestu leyti af fráhvarfi erlendra starfsmanna af svæðinu.´

Við nánari skoðun held ég að menn sjái hver raunveruleg fjölgun er á Austurlandi:

Á milli áranna 1997 og 2002 fækkaði Austfirðingum um 780,  en það var einmitt það ár sem skrifað var undir viljayfirlýsingu um byggingu álversins.  Eftir það fjölgaði hér jafnt og þétt og ef við tökum frá erlent vinnuafl, þá hefur fjölgað hér (miðað við 1 des 08) um 1265 manns, og mig minnir að það hafi alltaf verið talað um fjölgun uppá 1600 - 1800 manns vegna framkvæmdana, og við erum ekki langt frá því, og ekki sér fyrir endan á þessu enn, því að það á enn eftir að koma í ljós á næstu 2-4 árum hvað hér fjölgar mikið, en á t.d. Akranesu fjölgaði lítið til að byrja með, en fjölgaði umtalsvert á 4-5 starfsári Norðuráls, þannig að við eigum eitthvað inni enn.

Hér í þessari töflu sem á eftir fylgir má sjá þróunina síðan 1997:

	Fjöldi	Fjöldi	Fjöldi	Breyting milli	Breyting eftir undir-skrift samnings	Breyting milli	% Breyting milli
	1997	2002	2008	1997-2002	2002-2008	1997-2008	1997-2008
Vopnafjörður	651	592	534	-59	-58	-117	-17,97
Fellabær	358	362	450	4	88	92	25,70
Borgarfjörður eystri	109	96	93	-13	-3	-16	-14,68
Seyðisfjörður	800	749	717	-51	-32	-83	-10,38
Hallormsstaður	48	60	44	12	-16	-4	-8,33
Egilsstaðir	1.634	1.643	2.261	9	618	627	38,37
Eiðar	49	29	33	-20	4	-16	-32,65
Norfjörður	1.559	1.395	1.459	-164	64	-100	-6,41
Eskifjörður	1.009	966	1.086	-43	120	77	7,63
Reyðarfjörður	682	625	1.107	-57	482	425	62,32
Fáskrúðsfjörður	631	569	697	-62	128	66	10,46
Stöðvarfjörður	295	276	233	-19	-43	-62	-21,02
Breiðdalsvík	217	182	129	-35	-53	-88	-40,55
Djúpivogur	411	383	361	-28	-22	-50	-12,17
Nesjakauptún	102	78	73	-24	-5	-29	-28,43
Höfn	1.825	1.763	1.633	-62	-130	-192	-10,52
Strjálbýli á Austurlandi	2.017	1.849	1.972	-168	123	-45	-2,23
Samtals	12.397	11.617	12.882	-780	1.265	485	3,91

Skoðum nú þessa töflu aðeins.

Frá árinu 1997 til 2002 (en 2002 markar upphaf framkvæmdana) þá fækkar á öllum stöðum hér austanlands nema á Egilsstöðum, Hallormsstað og Fellabæ.  Ekki er þó um mikla fjölgun að ræða heldur telur það aðeins um 25 manns í heildina en á meðan fækkar um 780 manns í fjórðungnum.  Langmest var það í strjálbýli og á Norfirði, en störfum í fiskvinnslu fækkaði mjög mikið þar vegna aukinnar tæknvæðingar og fækkunar smábáta.

En þá kemur kúvendingin. 

Eftir að skrifað hafði verið undir vilja yfirlýsingu við Alcoa og eftir að framkvæmdir hefjast hefur leiðin bara legið upp utan við þá fækkun sem fólst í brottflutningi erlendra starfsmanna við framkvæmdirnar.  Að vísu hefur þróuninn ekki verið jafn jákvæð á jaðarsvæðum Austurlands, því miður, en heildarfjöldi Austfirðinga er engu að síður hærri.

Segja má að Austfirðingum hafi fjölgað um rúmlega 1.200 frá árinu 2002 og vörn var snúið í sókn sem hefur nú skilað sér í tæplega 13.000 Austfiðingum.

Hreindýr.....

Saga hreindýra á íslandi spannar aðeins um tvær og háfa öld.  fyrstu hugmyndir um innflutning hreindýra munu hafa komið frá Páli Vídalín, Lögmanni.  Hann ritaði um það í lok 17. aldar að selja ætti hesta úr landi og kaupa fyrir þá hreindýr.  ekkert varð þó úr innflutningi í það skiptið.  Skriður komst svo á málið um miðja 18. öld þegar illa áraði í landinu og lífsbjörg skorti.  Ætlunin var að hér yrði hreindýrabúskapur með svipuðum hætti og hjá Sömum í Finnmörku og var gefin út konungsskipun um að flytja til landsins Samafjölskyldu frá Noregi til að kenna Íslendingum hreindýraeldi.

Hreindýr voru flutt hingað til lands í fjórum hópum á árunum 1771-1787.  Í fyrsta hópnum voru 13 dýr sem komu frá Finnmörk í Noregi og voru sett á land í Vestmannaeyjum og síðan voru þau flutt þaðan upp í Fljótshlíð.  Þau munu öll hafa verið horfin um rúmum áratug síðar.

Árið 1777 kom svo stærri hópur til landsins, samtals 23 dýr sem sett vori í land í Hafnarfirði.  Sú hjörð hélt til á suðvesturhorni landsins og virðast hafið komið vel af og um miðja 19. öld voru dýrin allmörg, en eftir það fór þeim fækkandi, og síðustu dýrin úr þeirri hjörð sáust á lífi við Kolviðarhól um 1930.  Þriðji hópurinn, sem kom til landsins taldi um 35 dýr og var þeim sleppt á Vaðlaheiði við Eyjafjörð.  Dreifðust þau víða um Norðausturland en eftir miðja 19. öld fór þeim fækkandi og síðustu dýr úr þeirri hjörð sáust á lífi um 1936

Líklegt má telja að veiðar hafi verið stærsti orsakavaldurinn í því að þessir hópar hurfu með öllu upp úr 1930

Fjórði og síðasti hreindýrahópurinn kom til landsins árið 1787 og var settur á land í Vopnafirði.  Reyndar hafði áætlunin verið að að fara með dýrin norður í land en hafís stöðvaði siglinguna.  Árið 1783 höfðu Lakagígar gosið mesta hraungosi sem sögur fara af á jörðinni.  Í kjölfarið fylgdu hin ægilegu Móðuharðindi.  gosgufurnar og askan voru svo eitruð að grasbrestur varð og fénaður féll umvörpum, um 80% sauðfjár og um 50% nautgripa.  Talið er að nær 10.000 manns eða 20% þjóðarinnar hafi látist á árunum 1783 - 1786.  Ein af ástæðunum þess að villt hreindýr hafa haldið velli á Austurlandi er sú að norðan Vatnajökuls er þrátt fyrir alt tiltölulega snjólétt og lítið um mannaferðir.

 Hreindýrahjörðin sem kom á land í Vopnafirði taldi 5 tarfa og 30 kýr.  Núverandi hreindýrastofn á íslandi er allur kominn af þessum dýrum.  En þrátt fyrir það að stofninn sé í góðu jafnvægi nú leit  oft út fyrir að þessi hópur færi sömu leið og þeir fyrri.  Þess má geta að líklega voru dýrin ekki nema um 100 um aldamótin 1900 enda voru þau alfriðuð af Alþingi árið 1901 og líklegt má telja ef það hefði ekki komið til þá hefði þessi hópur horfið með öllu einnig.

Vangaveltur hafa verið uppi um það að dreifa hreindýrum víðar, en á Austurlandi, en ennþá hefur ekki komið til þess.  Má þó búast við því að hreindýr geti með góðu móti þrifist víðar á íslandi en á Austurlandi.  Myndi þetta vera veiðimönnum kærkomið, því eins og staðan er í dag eru milli 3 og 4 umsóknir um hvert veiðihleifi sem gefið er út og fá því færri en vilja. 

 

Vara við hugmyndum um hreindýr á Reykjanesi

Mér er....

slétt sama hvort að skatturinn sé táknræn eður ei, það á að setja hann á, en hann á líka að vera hátekjuskattur ekki meðaltekjuskattur eins og hann var.

Þessi skattur var lagður á alla sem komust að mig minnir yfir 3 miljónir í árslaun (það leiðréttir mig einhver ef að ég fer með rangt mál) og því kom hann illa  niður á fólki sem var að vinna fyrir stórri fjölskyldu og nýrri fasteign (lesist fjölskyldufólk á besta aldri) Og þessi sami hópur lennti líka í því að á sama tíma (af því að launin voru svo "há") að barnabætur og vaxtabætur skertust all verulega.

Þannig að þessi hópur fólks var sligaður af skattbyrði.

Það á að setja þennan skatt á þá sem eru með miljón eða meira á mánuði ekki fyrr, og á hjón sem eru með 2 eða meira ekki fyrr.

Það mætti líka skoða það að kippa skattinum upp í 50% en þá yrðu skattleysismörk að vera í það minnsta 280-300þ

Þessu kasta ég bara hér fram án þess að hafa skoðað það neitt, eða með öðrum orðum bara hugmynd, kanski gengur hún upp, kanski ekki..

En HÁTEKJUSKATT á að setja á ekki meðaltekjuskatt....

Hátekjuskattur bara táknrænn

Hvað er í gangi??

Nú er að koma uppúr dúrnum hvað það er sem við "verðum" að gera fyrir lán Alþjóðagjaldeyrissjóðsins.  Hækka álögur á almenning, og ekki bara með auknum gjöldum, heldur með hækkunum á lánunum okkar því að þau eru jú verðtryggð og þetta hleypir upp vísitölunum.

Kæmi mér ekki á óvart  að afborganir af "hefðbundnu" íbúðarsjóðsláni myndi hækka um 10-12% eftir þessi ósköp.

Þetta er náttúrulega bara rugl og vitleyasa, það er lítið mál að spara duglega í ríkisrekstri, það væri t.d. hægt að skera utanríkisráðaneytið niður um svona 60% án þess að það komi verulega niður á samskiptum okkar við önur lönd og þar fengist sennilega meiri peningur heldur en með þessu skattahækkunum öllum til samans.

Niðurskurður og aðhald er það sem þarf en ekki auknar álögur, því að nú þegar fera sennilega 6-7 krónur af hverjum 10 í ríkiskassan hjá hinum almenna launþega í formi staðgreiðslu, virðisauka og annara beinna eða óbeinna skatta.

Er það ekki alveg nóg???

Hækkun gjalda áfall

Jamm enn og aftur...

Reynir á ósérhlífni þeirra sem vinna sjálfboðavinnu fyrir björgunarsveitirnar.  Þessi stærstu sjálfboðaliðasamtök Íslands með mikið af bráðsnjöllu og duglegu fólki innan sinna raða, eru bráðnauðsynleg og verða bara hreinlega að vera til staðar.

Því minni ég ykkur á það að þegar kemur að því að fjárfesta í flugeldum fyrir næstu áramót, að versla nú af þeim sem eru tilbúnir 365 daga á ári 24 klst á sólarhring að bjarga öllu því sem bjargað verður, hvort sem það eru fiskikör af bryggjukanti eða einhverjir einstaklingar í margskonar vandræðum.

Oft var þörf en nú er nauðsyn, því að það þrengir að hjá þessum félagsskap sem og öðrum í þjóðfélaginu...

Koma svo...

210 sinntu útköllum

Hverjar telja menn líkurnar.....

Á því að ef að það væru komin ný göng undir Siglufjarðarskarð að það væri verið að bora frá Ólafsfirði til Siglufjarðar um Héðinsfjörð??

Þær líkur væru næsta litlar.

Ég er meðal annars þeirrar skoðunar af sömu ástæðu,  ásamt fleirum að það sé óheillavænlegra fyrir framgang Samganga að leita til Héraðs fyrst, frekar en suður um Mjóafjörð og til Norfjarðar.

Um þetta var meðal annars karpað á síðasta SSA þingi sem var haldið á Djúpavogi um síðustu helgi.  Eins og svo oft áður voru mestu átökin um samgöngumálin, því allir vilja betri vegi ekki satt?  En nú varð reyndar ein breyting á, Samgöngunefnd SSA var falið það mikilvæga hlutverk fram að næsta þingi SSA, að setja niður framtíðarsýn um samgöngur á Austurlandi, með 3 lykilpunkta í forgrunni.  Þessir 3 lykilstaðir eru, Mjóeyrarhöfn við Reyðarfjörð, Ferjuhöfnin á Seyðisfirði og flugvöllurinn á Egilsstöðum.

Þessi tillaga kom frá bæjarstjórn Fjarðabyggðar og var hún að sjálfsögðu samþykkt samhljóða, því að það er hverjum manni ljóst sem sótt hefur þing SSA að togstreitan og lætin yfir því hvar skal fyrst leggja veg hefur á köflum verið yfirgengileg og allt sem þar hefur verið samþykkt hafa verið málamiðlanir, og þær ekki verið allar mjög gáfulegar í gegnum tíðina.

En þetta er það sem að sveitarstjórnarmenn á Austurlandi áttu að gera í aðdraganda þeirra framkvæmda sem nú eru að mestu um garð gegnar, sjá fyrir sér hvaða samgöngur þyrfti til að nýta hana sem best.  Aðeins tvær framkvæmdir síðustu 5 ár hafa stuðlað að þessu, Fáskrúðsfjarðargöng og vegurinn sem nú er verið að leggja um Hólmaháls.

Aðrar framkvæmdir sem hefðu þurft að koma til til að nýta þau tækifæri sem hér hafa skapast eru t.d. Berufjarðargöng, Samgöng, (öll líka tengingin til Héraðs) göng milli Fáskrúðsfjarðar og Stöðvarfjarðar og Vopnafjarðargöng.  Ég nefni Vopnafjarðargöng síðast því að þrátt fyrir að farið yrði undir Hellisheiði Eystri, þá eru yfir 100km á Reyðarfjörð, og því varla hægt að segja að með göngum sé búið að draga Vopnafjörð inn á aðalatvinnusvæði Austurlands.

Ef farið yrði í þessar framkvæmdir yrði hægt að tala um Austurlandið allt sem eitt atvinnusvæði, eða í það minnsta eitt þjónustusvæði.

Við þurfum að horfa út fyrir fjallahringinn til að sjá Austurlandið allt þegar kemur að samgöngumálum, og hætta að vera bara í hlaðvarpinu heima.

Hver er munurinn??

Fyrirgefið fáfræði mína og heimsku, en hver er munurinn á því að leigja allt draslið, eða þiggja vissa krónutölu á kwklst.??

 Ég sé bara ekki munin leigja til ákveðins tíma eða selja orkuna??  Og í mínum huga er mun betra að halda þessum stóru mannvirkjum í eigu okkar en ekki annara..

Setjum nú stopp á einkavæðinguna og metum aðeins stöðuna áður en lengra er haldið.

Sóknarfæri að selja virkjanir