Kanski að það..

Sé komið að því að það fari að gjósa á Reykjanesinu..

Þetta er jú með eldvirkari svæðum á landinu og lítið gerst þarna síðustu árhundruð eða árþúsund ölluheldur.  3,6 er reyndar ekki mjög stórt en engu að síður getur það gefið smá vísbendingu um það sem gæti orðið.

Þessi skjálfti fannst greinilega í Hafnafirði og í Reykjavík, þannig að það má velta því fyrir sér hvað myndi gerast ef að við fengjum þarna skjálfta sem væri 5-6 á richter...

 

Snarpur jarðskjálfti

Vinna og annað sumarstúss...

Ekki hefur nú verið hamrað hér inn mikið að undanförnu, bæði er blessuð vinnan alltaf að eyðileggja fyrir manni frítíman og svo einnig hefur meður einfaldlega ekki nennt að hamra hér inn eitthvað þegar stund hefur gefist, því að þá vil maður nýta hana í eitthvað annað en að sitja sveittur og reyna að skrifa eitthvað misgáfulegt á veraldarvefin.

Er ryndar búinn að eyða megninu af sumrinu í vinnunni en fór þó eittvað aðeins útfyrir bæjarmörkin með hluta af fjölskyldunni, þar sem að frumburðurinn er víst að verða of gamall til að ferðast með gamla settinu og systkinum sínum.

Farið var í Eyjafjörðin og hann allur skoðaður í krók og kima, en þriðja árið í röð klikkaði ferðin á fiskidaga á Dalvík, en þangað verður farið á næsta ári, það er á hreinu.

Búinn að fara eina hreindýraferð í átthagana en enga tarfa fundum við þannig að ég verð að fara aftur og stefnt er á það næstu helgi, þá verða vonandi mættir einhverjir tarfar á svæðið til að blýfylla.

En s.s. lítið að frétta annars, en nú með haustin mun ég reyna að vera duglegri við hamrið, vonandi einhverjum til ánægju og sem fæstum til leiðinda...

KvER

Það nálgast....

30 árinn, sá tími sem að hraunið hefur runnið þarna nánast stanslaust, það leiðréttir mig einhver ef að ég fer með fleipur hérna, en hefur ekki verið talað um Skaftárelda sem mesta magn hrauns sem runnið hefur á sögulegum tíma?? 12 rúmkílómetrar er það áætlað ef ég man rétt.

Er það met ekki löngu fallið, ég bara spyr??

 

Hraun rennur á Hawaii

Á misjöfnu........Þrífast börnin best!

Þrífast börnin best!!

Ég hef oft velt því fyrir mér undanfarin ár, eftir að mín börn fóru út á vinnumarkaðinn, af hverju 13 og 14 ára unglingum er ekki heimilt að vinna meira en raun ber vitni. Ekki að ég sé eitthvað hlynntur því að börnum sé þrælað út, en takmörkunin á vinnu þessa aldurshóps er í hróplegu ósamræmi við allt annað sem er í gangi í þeirra lífi.

Tökum sem dæmi dætur mínar tvær, önnur er 10 ára og hin verður bráðlega 14. Þær stunda skóla eins og l0g gera ráð fyrir, og hér er skóladagurinn yfirleitt búinn milli 2 og 3 á daginn en byrjar 8 á morgnana. Þetta þýðir að þeirra “vinnudagur” er milli 6 og 7 klst á dag, og þá er eftir heimanám sem gæti tekið allt frá 15 mínútum upp í 1-2 klst, misjafnt eftir dögum og kennurum.

Þegar þetta er lagt saman þá er “vinnudagur” þeirra nálægt 9 klst með hléum reyndar þegar lengst er.

En þegar kemur að því að vinna þá kveður við annan tón, það má ekki vinna meira en 4-6 klst á dag ef þeg man rétt, og löggjöf gefin út um málið til að vernda börnin. Þetta er að mínu mati mótsagnakennt í meira lagi, og þetta þarf að leiðrétta.

Ég er reyndar þeirrar skoðunar að skóladagurinn sé að verða það langur að það sé komið út fyrir velsæmismörk, þannig að ég er ekki beinlínis að hvetja til þess að börnin verði látin vinna meira, það einfaldlega að vera samræmi í þessu.

Skólabörn í Danmörku skikkuð í yfirvinnu

Nú éta...

Forsvarsmenn SA það ofaní sig sem þeir hafa verið að prédika undanfarin misseri, að íbúðalánasjóður sé undirrót alls ills, og honum eigi að loka. 

Það er alveg ótrúlegt að hlusta á kúvendingu þessara merku manna, en þeir hafa nú viljað kenna íbúðalánasjóði um allt sem aflaga hefur farið í efnahagslífinu, þegar þeir vita betur, en þegja yfir því þunnu hljóði.

Maður gæti haldið að þeir sem hafa prédikað hvað mest um "tímaskekkjuna" íbúðalánasjóð (hinir ýmsu frjálshyggjupúkar) séu illa innrættir og hafi verið að reyna villa mönnum sýn, en ég vil ekki ætla mönnum það, þó að það mætt leikandi túlka það þannig.

Þessar breytingar eru til góðs, en ég velti því fyrir mér hvort að það sé rétt að fara í kaupverð frekar en brunabótamat, ekki viss um að það sé til góða.  Ég hefði frekar viljað sjá 90% regluna tekna upp aftur.

Það að fara kaupverðsleiðina, gagnast suðvesturhorninu eingöngu, en 90% reglan hefði gagnast öllum, og því hefði hún verið mun betri.  Það er nú nefnilega þannig að það er einungis á Torfunni sem að brunabótamat er lægra en markaðsverð og það er einungis vegna þess hvað lóðir eru dýrar þar, en þa landsbyggðinni er markaðsverð í bestafalli það sama og brunabótamat og því er þessi regla ekki að nýtast þar.

Þannig að þrátt fyrir þessar jákvæðu breytingar þá er íbúðalánasjóður nú í fyrsta skipti í sögunni að mismuna fólki eftir búsetu og það er frekar neikvætt.

En kúvendingin er alger, Sjálfstæðismenn og aðrir frjálshyggjuforkólfar eru búnir slá undan vindi og sigla nú með byr í bakið og slá sér á brjóst um það hvað þeir séu nú snjallir að kveikja á perunni um mikilvægi þessarar lánastofnunar.

sjá nánar hér:

http://eirag.blog.is/blog/eirag/entry/460666/

 

Breytingar á Íbúðalánasjóði

Aðeins fjöllin....

eru eilíf, var orðatiltæki sem sumir frumbyggjar Norður Ameríku notuðu, og þeir voru þar vissir um að þeir hefðu rétt fyrir sér.

Nú er veðurstofan að tala um "varanlegar" breytingar, en við vitum að ekkert er varanlegt, allt er hverfullt, og því má segja að þeir hafi rangt fyrir sér í því.

En á mælikvarða mannskepnunar er þetta líklega rétt, þetta mun lítið breytast næsta mannsaldurinn eða svo og því er þetta kallað "varanlegt"

Varanlegar landbreytingar í skjálftanum

Skuldasöfnun.....

Af annara völdum, er eitthvað sem við upplifum flest.

Ekki það að ég hafi verði í ábyrgðum fyrir einhvern og engin neyddi mig til að taka lán, en engu að síður er hluti af minni skuldasöfnun eitthvað sem ég get ekki stjórnað, það er á hreinu.

Við hjónin keyptum okkur hús, og það er nú s.s. ekki í frásögur færandi, en til þess að geta keypt þá seldum við eldra hús og mættum mismuninum með lántöku, en það er nú svona eins og kaupin gerast á eyrinni.

Við tókum 18 miljónir að láni hjá íbúðalánasjóði og mér reiknast til að fyrir utan stimpilgjöld og lántökugjöld, þá séum við búin að greiða litlar 1.260.000.- kr af þessu láni. Tólfhundruð og sextíu þúsund eða eina miljón tvöhundruð og sextíuþúsund.

Það er nú s.s. í lagi, við vissum alveg að það yrði nú að borga af þessari skuld sem stofnað var til og ekki er ég að kvarta yfir því.

En, og það er stórt en, þegar mér var litið á greiðsluseðilinn sem kom núna síðast inn um lúgina þá er lánið sem í upphafi var 18.000.000.- átján miljónir komið í 19.996.796.- nítján miljónir níuhundruðníutíu og sex þúsund og sjöhundruð níutíu og sex.-

Hvað á þetta eiginlega að fyrirstilla?? Mér er spurn..

Við erum búin að greiða yfir milljón en skuldum 2 milljónum meira!!!!!!

Þetta er náttúrulega bara svívirða af versta tagi.. ætli að það endi ekki með því að síðasta afborgunin sem verður eftir um 40 ár verði svipuð og upphafslánið var 18 miljónir ???

Það stefnir að minnsta kosti í það!!

Snilld... Snilld gargandi snilld...

Fórum nokkrir félagarnir á fjöll í gær á nokkrum sleðum, til að nota nú síðasta snjóinn.  Hitin var nálægt 20° og sólin skein í heiði, þannig að þetta var alveg hreint snilldardagur.

Ferðinni var heitið með dyggri leiðsögn Kjartans í Áreyjum, eins og hann er oft kallaður, fyrst á Kistufell og þaðan á Hádegisfjall.

Ég tók eitthvað af myndum en hefði átt að taka meira, en stundum gleymir maður sér bara við aksturinn því það er svo agalega gaman.

Smellti inn myndum af þessu á vefalbúmið mitt:

Sleðaferð á Kistufell og Hádegisfjall

Iss...

Bara 106 yfirvinnutímar í einum mánuði, það hljóta fjölmargir íslendingar geta toppað það nokkuð vel. 

Miðað við hefðbundin vinnutíma (um 180 klst á mánuði.) gerir þetta samtals 286 klst. sem þýðir 13 klst á dag og þá er ekki unnið um helgar.  Ef við bætum 4 laugardögum inní dæmið og setju 8 klst á hvern, þá þýðir það rúmlega 11 klst á virkum dögum.

Kannast ekki einhver við það að vinna frá 8- 7 , 6 daga í viku?? eða jafnvel mun meira??

Þetta er svipuð vinna.....

Síðan getum við auðvitað skoðað vertíðartarnirnar þar sem fólk var að vinna frá 6 á morgnana til 8 á kveldin 7 daga vikurnar í kanski 6-8 vikur samfellt, það er mun meira en þetta, eða um 420 klst í mánuði.

En ég er ekki að mæla því bót á nokkurn hátt að menn vinni of mikið, þessu á auðvitað að stilla í hóf eins og öllu öðru

Góðar (vinnu) stundir

Toyota sker upp herör gegn vinnuölkum

Hvað á að gera...

Við íbúðalánasjóð???

Nú er Sjálfstæðismenn komnir á flug ásamt frjálshygguarmi Samfylgingar og ætla að taka íbúðalánasjóð af lífi, eftir ósk "frjálsu" bankana.

Fram að þessu hefur tekist að standa vörð um íbúðalánasjóð, sem hefur tryggt öllum landsmönnum, aðganga að lánsfjármagni á góðum kjörum til að fjármagna húsakaup sín.  Það að breyta því setur nýja íbúðakaupendur upp við vegg, og það sérstaklega á landsbyggðinni, þar sem viðskiptabankarnir hafa ekki alltaf viljað lána og það mun ekki breytast, þeir koma til með að velja sín veð áfram, eftir því hvað hentar þeim best.

Það verður að standa vörð um þennan sjóð okkar, því nógu erfitt er fyrir ungt fólk í dag að standa straum af kosnaði við sín fyrstu íbúðakaup, nú þegar.

Ég er svo heppin að húsakynni minnar fjölskyldu er fjármagnað af þessari góðu stofnun en ekki bönkunum og því mun ég vonandi njót þeirra góðu kjara sem þar er boðið uppá áfram.

Ég hef áður tjáð mig um þetta mál í öðru samhengi þar sem Sjálfstæðismenn reyna að halda því fram að hækkun fasteignaverðs sé fyrst og fremst íbúðalánasjóði að kenna, en það veit hver einasti maður sem er þokkalega læs að það er fyrst og fremst bönkunum að kenna.

http://eirag.blog.is/blog/eirag/entry/460666/

Nú er mál að linni við verðum að verja sjóðinn með öllum tiltækum ráðum.

 KvER

Mikilvægt skref

Hvað er þetta....

Eru virkilega ekki til neinar gamlar birgðir í landinu þannig að það þarf að líða minnst mánuður áður en að lækkað er???

Þetta er alger nýlunda að það sé bara lækkað strax, tilhneigingin hefur verið að það er hækkað strax og gengið eða heimsmarkaðsverð breytist þannig að það gefi tilefni til hækkunar, en það hefur liðið dágóður tími áður en lækkað hefur verið á sömu forsendum..

En engu að síður er haldið eftir eitthvað af hækkuninni á díselolíu, svona til að vera nú ekki orðnir algóðir, og svo að það komi ekki fram einhver fráhvarfseinkenni....

Batnandi fólki er best að lifa...

Og batnandi olíufélögum einnig....

N1 lækkar verð á eldsneyti

Fjallaferðir......

Þær voru nú fleiri í vetur og hér eru myndir úr annar sem farin var á Flekk í febrúar, á Kollaleyrutind og Grænafell eftri næturvakt í vinnuni.

Það var bara of gott veður til að fara að sofa og færið var draumur í dós fyrir túttujeppa...

View Album

Get your own