Alveg er það....

Hreint magnað hvað tæknin er orðin mikil í einu litlu tæki sem kostar rétt um 40 kallinn.....

Var á ferð um öræfi austfjarða að leita af Rangifer Tarandus og prufaði aðeins síman minn í leiðinni og hér má sjá afraksturinn...

 

 

Nokkuð gott miðað við að þetta er tekið upp á síma ekki satt?? Örlítið betri græja og þá er þetta allt klárt í vasanum Tónlistin er Led Zeppelin spiluð í græjum bílsins og það kom mér mest á óvart hvað soundið var ótrúlega gott.... Makalaust alveg hreint...

Var þetta ekki.....

Alltaf dæmt til að mistakast.. ??

Ég held það.  Mikil tengsl milli þingmanna og nánd gerði þetta mál mun erfiðara en nokkur gerir sér grein fyrir, sést best á orðtæðunni sem fram hefur farið í þessu máli.

Einnig er spurning hvort að það sé ekki svolítið til í því hjá Barna Ben að þetta séu svona "eftirá" vísindi, hvað hefði átt að gera og hvað ekki, frekar en að þetta snúist um lagabrot.

Ég hefði talið eðlilegara að lagaumhverfið væri einfaldlega á þann hátt að það væri hægt að taka á meintu vanhæfi eða mistökum, en til þess að það sé hægt þþurfa mistökin að vera lögbrot, og þar er kanski megin vandinn, að lagaumhverfið (stjórnarskráin) er ekki nógu skýrt þegar kemur að svona málum.

Ég myndi áætla að ráðherrar á hverjum tíma, sama í hvaða flokki þeir eru, taki ákvarðanir sem þeir telji að séu réttar, séu fyrir þjóðarhag, og erfitt er að sanna annað, meira segja ef sögurnar hans Styrmis eru réttar, þá spyr maður, var ólöglegt að leyna þjóðinni þessum upplýsingum eða var það siðlaust eða var það hárrétt ákvörðun...??  Niðurstaðan fer sennilega töluvert eftir því hver metur málið...

Ekki ætla ég að leggja dóm á það, það má sennilega færa fyrir því rök á hvorn vegin sem er að það hafi verið nauðsynlegt að leyna þessum upplýsingum eða að það hafi verið rangt, en það sem máli skiptir var það ólöglegt.

Það á einfaldlega að gilda það sama um þessa stéttir manna (ráðherrar og þingmenn) þeir eiga að hafa skýrt lagaumhverfi og þeim ber að fara eftir því, það þurfum við að laga.....

Tel að þessi tilraun hafi mistekist

Eru þetta ekki.....

Sjálfsögð mannréttindi??

Víða er staðan í þessum málum ekki upp á marga fiska, og það er alveg ljóst að niðurskurður í heilbrigðiskerfinu hefur komið hart niður á öllum en sennilega harðar niður á landsbyggðinni en höfuðborgarsvæðinu.

Reyndar eru heilsugæslumál í höfuðborginni og nágrannasveitarfélögum ekki í góðu lagi, en þar hafa menn þó aðgang að lækni allan sólarhringinn ef eitthvað alvarlegt er að og sjúkrabílavakt með þrautþjálfuðum mönnum að auki.

Á Bolungarvík hinsvegar og öðrum svipuðuðum stöðum er læknirinn allt í öllu, hann er eina úrræðið, og ef hann er ekki til staðar er það ekki spurning hvort heldur hvenær stórslys verða.  Að vísu styttist leiðin á Ísafjörð, með tilkomu ganga, en aðrir staðir víða um landið eru í sömu stöðu, það er verið að skera allta af þeim og maður veltir því fyrir sér hvort að það sé einhver heil brú í þeim sem eru að skipuleggja niðurskurðin allan.

Á meðan læknisþjónusta er eins og hún var fyrir 80 árum, og önnur þjónusta af opinberu tagi er nánast horfin, samgöngur eru stopular og lélegar, og ýmislegt fleira vantar þá veltir aðður því fyrir  sér hvort að það sé tímabært að gera það sem töluvert hefur verið haldið á lofti undanfarin misseri af hinum og þessum að það sé réttlætismál af stærstu gerð að jafna atkvæðisrétt, því að þrátt fyrir þetta mikla aukavægi atkvæða af landsbyggðinni, þá höfum við ekki komist með tærnar þar sem aðrir hafa hælana í opinberri þjónustu.....

Einnig má þá líka velta fyrir sér hvaðan tekjurnar okkar koma, mig minnir að það séu um 20% eða meira af útflutningstekjum þjóðarinnar sem kemur eingöngu frá Fjarðabyggð, og ættum við þá ekki að njóta þess í ríakra mæli???

Nei þetta eru bara svona vangaveltur í vikulokin, það má alveg kasta fram svona spurningum, kanski vaknar einhver umræða.

Að lokum legg ég til að við stofnum fríríkið Austurland....

Læknisþjónusta verði óskert

Er þetta ekki ástæðan fyrir....

Því að við virðumst eiga greiða leið inn í ESB??

 "Í dag er hlutfall innfluttrar orku hjá ESB um 54% og flest bendir til þess að hlutfall innfluttrar orku muni vaxa á næstu árum (þó svo kreppan hafi nú aðeins slakað á orkuþörfinni - tímabundið). ESB er sem sagt að verða æ háðara öðrum um orku. Það á bæði við um olíu á samgöngutækin og gas til raforkuframleiðslu og annarra daglegra nota."

 Nánar um þetta hér... 

http://askja.blog.is/blog/askja/entry/1088688/

Nokkur hafa sótt um IPA-styrki

Á þá bara að leggja árar í bát????

Ég ætlaði að skrifa hér mikla grein um þjóðveg eitt um firði Axarveg, ferjuhöfn álversframkvæmdir og ýmislegt fleira sem misvitrir sveitarstjórnarmenn hafa verðið að fjasa um í austfirskum fjölmiðlum gegnum tíðina...

En þar sem að ekki er hægt að ræða þessi mál án þess að persónulegt skítkast, rangfærslur lýgi og heift sé þar með í för þá hætti ég við.

Ég er eiginlega búinn að fá nóg.....

hvernig væri nú að lyfta umræðuni uppúr skotgröfum skítkastins og ræða þetta í rólegheitum með rökum.

Það er það sem þessari umræðu vantar til að hægt sé að ljúka henni.

Þetta er farið að minna mig á þá umræðu sem átti sér stað í aðdraganda virkjanaframkvæmda við Kárahnjúka þar sem því var ýmist haldið fram að allt sem færi undir vatn væri ýmist örfoka melar eða skógi vaxi 100%   En allir meðalgreindir menn vita að sannleikurinn lá þar mitt á milli...

 Góðar stundir... 

Það er þá ekki .....

Öllu fórnandi fyrir stjórnarsetuna..Eða hvað..??

Þetta mál hlýtur að vera VG liðum þungt í skauti, ekki síst eftir yfirlýsingar formanns VG eftir kosningar að hans flokkur hefði unnið á og unnið stórsigur, vegna andstöðu hans við Evrópubandalagsaðild.

 Það hefur reyndar engin stjórmmálamaður í seinni tíð valdið mér eins miklum vonbrigðum og Steingrímur J.  Það var alltaf hægt að ganga að hans málflutningi sem vísum og nánast alltaf var hann samvæmur sjálfum sér, og fyrir það fékk hann plús í kladdan hjá mér þó svo að ekki væri ég honum sammála nema ööörsjaldan.

En eftir að VG Samfó stjórnin komst til vald ahefur hann ítrekað sveiflast eins og flagg í vindi og segir eitt annan daginn og annað hinn.

En við skulum sjá hvað kemur út úr þessum væringum sem virðast vera í uppsiglingu innan VG vegna Evrópumálana...... 

Vilja endurskoða stöðuna

Einhverntíman....

Hefði maður vegið annan í því að slást um að nýta hræið.... En þrátt fyrir kreppu þá er ekkert slíkt á ferðinni í dag...

Kanski eins gott, þetta er sennilega ekki ferskasta steikin í bænum....

Margir skoða skepnuna

Við skulum.....

Vona að þeim beri gæfa til þess að setja í þessa tölvu það sem vantar í Ipaddinn, t.d. USB tengi til að geta tengt aukahluti við græjuna s.s. GPS loftnet, útvær drif lyklaborð og fleira, því að svona tölva er snilld sé hún sæmilega fjölhæf.

Hef aðeins þuklað á paddanum og hún er flott, hveði viljað getað bætt í hana gps foriti frá Garmin og sett á hanan loftnet, væri þá kominn með snilldar leiðsögutæki í bílinn....

En varðandi netflakk og svona tags til dags notkun þá eru svona tölvur framtíðin, í stað stórra þungra far og borðtölva....

Microsoft þróar spjaldtölvu

Það er byrjað eina....

Ferðina enn.Minnst hefur verið á veglínur varðandi þjóðveg 1 um firði og Axarvegur nefndur í sömu andrá.Esther Ösp bæjarfulltrúi Fjarðalistans tjáði sig um þetta mál fjálgega á sínu bloggi og í ágætis grein í síðasta tölublaði Austurgluggans,  en greinina má finna hér á blogginu hennar:http://www.raudhausar.com/esther/?p=3137

Ég verð að segja eins og er að þessar vangaveltur nýkjörins bæjarfulltrúa eru eins og hamraðar á mitt lyklaborð og því tek ég undir það sem hún segir í einu og öllu.

Þá sjá það líka allir meðalgreindir menn að stúlkan hefur rétt fyrir sér í þessu máli og rökin sem hún tínir til eru góð og gild og vikta þungt.

En gagnárás er hafin.  Þannig er nefnilega mál með vexti að Oddviti sveitarstjórnar Djúpavogs er manískur þegar kemur að Axarvegi, það má ekki hallmæla eða tala um hann á neinn annan hátt en jákvæðan, það á einungis að týna til kosti en ekki minnast á gallana þegar sá ágæti vegspotti er ræddur og duglegur er hann að leggja fólki orð í munn og fara með algerar rangfærslur og hreinlega lygar þegar kemur að þessu máli.

Andrés hefur t.d. haldið því blákalt fram á sínu bloggi að Fjarðamenn vilji loka Axarvegi og banna um hann umferð.  Því fer að sjálfsögðu fjarri lagi, allar styttingar eru af hinu góða, það breytir því hinsvegar ekki að mönnum greinir á um meginleiðir, forgangsröðun og hvað sé skynsamlegt að eyða í styttingar.  Það ber t.d. gríðarlega mikið á milli þegar fjallvegir hér fyrir austan eru ræddir, allir eru sammála um að Fjarðarheiði, Hellisheiði og Oddskarð séu farartáalmar, en þegar kemur að Axarvegi sem er í svipaðri hæð yfir sjó, kemur allt annað hljóð úr skrokki.. ??  Hvað er málið..?? Snjóar ekki á fjöll sunnan Skriðdals ???

Sömu sveitarstjórnarmenn hafa talað fjálglega um Þvottár og Hvalnesskriður, að þær séu hættulegar, og kosnaðarsamar og því þurfi göng undir Lónsheiði  ??  Ekki er ég í sjálfu sér ósammála því en þegar talað er um kosnað við að ryðja grjóti af veginum um þessar skriður, og því haldið duglega á lofti þá þarf sennilega ekki að ryðja Öxi að vetri eða hvað?? 

Vildi ég gjarnan að Andrés vinur minn léti af þessum barnaskap og færi nú að ræða málin á málefnalegum grunni, en það vita allir meðalgreindir menn að þegar tilfinningar eru komnar inn í pólitísk málefni þá er voðinn vís.

Sveitarstjórnarmenn hér fyrir austan hafa rifist um vegabætur lengur en elstu menn muna, og aldrei náð neinni samstöðu um málin, því að hver vill sitt og engin vill gefa eftir.  Þegar Reyðfirðingar og fleiri fjarðamenn viðruðu fyrst þær hugmyndir að fá þjóðveg eitt niður um firði voru þeir sakaðir um skemmdarverk og margt annað verra, þá af Breiðdælingum og Héraðsmönnum, meira að segja fyrrverandi sveitarstjóri Djúpavogshrepps flutti um þetta tillögu á sínum tíma þegar hann var sveitarstjóri í Stöðvarhreppi.

Þegjandi samkomulag var gert á SSA þingi á Breiðdalsvík, að mig minnir, um að láta þessa sjálfsögðu kröfu liggja í láginni, þar til að Skriðdælingar væru búnir að fá sitt asfalt, sem nú er rétt ókomið, en engin man lengur eftir heiðursmannasamkomulagi því sem gert var um stuðning við færslu þjóðvegarins að fengnu slitlagi á Skriðdal.

Nei því miður þá held ég að  komist menn ekki úr þessum skotgrafarstíl næstu árin þegar menn eru bæði duglegir við rangfærslur og skrumskælingu á sannleikanum, og engin þorir að tla um hlutina eins og þeir eru heldur talar hver með sínu nefi og með sinn sannleika að leiðarljósi.

Ég hef margoft bent á leiðir til að lenda þessum málum í eitt skipti fyrir öll en talað fyrir daufum eyrum, og sennilega af ótta manna við að hafa rangt fyrir sér, og vera bent á þá kosti í samgöngumlálum hér fyrir austan sem nýtist sem flestum.

Við þurfum að taka umræðuna út fyrir tilfinningaskalan og nota setningar eins og "mér finnst" og "ég er vissum að"  þegar ekkert stendur á bakvið það annað en persónlegar órökstuddar og órannskaðar skoðanir viðkomandi aðlila.

Það sem þarf að gera er að draga fram það sem við viljum fá út úr samgöngubótum, og koma vegunum okkar og mögulegum vegum inn í það matsferli.  Við þurfum að leggaja til grundvallar hluti eins og öryggi vegfarenda, (og það á að sálfsögðu að vera í 1. sæti) umferðarþunga, styttingar, vetrarþjónustu, og fleira má tína til það má í raun bæta við út í hið óendalega.

Þessum hlutum er gefið vægi í jöfnuni, jafnan er síðan mötuð með þeim upplýsingum sem nú þegar eru til hjá Vegagerðinni, Umferðarstofu Slysavarnarfélaginu Landsbjörg og fleiri aðilum um umferð öryggi vetrarþjónustu styttingar og fleira, og bingó út kemur forgangsröðun sem er allt í senn skynsamleg praktísk og umfram allt réttlát.

Þetta þarf að gera til að lenda þessum málum hér í eitt skipti fyrir öll og það er alveg kominn tími á það að vinna þetta á vitrænan hátt. 

Ég er ófeiminn við að leggja mínar skoðanir í dóm slíks fyrirkomulags og komi það í ljós að ég hef rangt fyrir mér skal ég manna fyrstur játa mín mistök hvað það varðar, en ég mun ekki gera það nema aðrir séu tilbúnir að gangast undir þetta einnig... 

En það er engu að síður byrjað eina ferðina enn og engin vitræn lausn í sjónmáli einungis sjálfskipaðir eiginhagsmunaseggir með lyklaborð, embætti og málsskrúð að vopni..... 

Hvað ætli sé að frétta....

Af EURORAP (European road assement program)  ???

Það er búið að vera í gangi hér undanfarin ár, og hafa íslenskir vegir ekki komið vel út, en það er hægt að gefa vegum frá 0 og upp í 5 stjörnur.

Engin íslenskur vegur hefur fengið fleiri en 3 stjörnur að mig minnir og segir það mikið um hversu stutt við erum komin í þróun á umferðaröryggismálum hér á klakanum....

Betur má ef duga skal, og það á greinilega við um öryggi í íslenskum jarðgöngum.

Ég velti því líka fyrir mér fyrst að Hvalfjarðargöng fengu falleinkunn, hvaða einkunn fengju Stráka göng og Ólafsfjarðargöng.??

mínus 5???

Unnið að því að bæta öryggið