Lesa....

Reglur og lög um ksningar áður farið er í það að bulla svona...

Kjósa má eins oft og hver vill utankjörfundar... og jafnvel enda á því að kjósa á kjörstað í restina...

Því eru engin mannréttindi brotin á einum né neinum...

Næst bestir vilja ógilda utankjörfundaratkvæði

Hvar eru....

Pottar og pönnur lamdar nú??

Jú viti menn inni á þingi situr nú sumt af "búsáhaldarbyltingar" fólkinu og virðist ekki vera að gera nokkurn skapaðan hlut af viti.

Búsáhaldabyltingin er eitt mesta lýsskrum sem átt hefur sér stað á íslandi hin síðari ár, t.d. var hæstvirtur heilbrigðisráðherra virkur þátttakandi í henni og bliknar ekki nú þó að úrræða- og aðgerðarleysi ríkisstjórnarinnar sé algert.

Hrunið er ekki búið, fyrst hrundu bankarnir, í kjölfarið efnahagslífið og nú þegar heimilinn falla að fótum fram hvert á fætur öðru, þá má búast við því að bankarnir lendi í nýjum vanda, þeir eignast húsnæði í hrönnum sem engin getur keypt, og engin innkoma kemur af tomum kofum og því má búast við því að þetta sé stórmál.

Háæruverðuga Alþingi og ríkisstjórn, farið nú að gera eitthvað annað en ekki neitt.....!!!!

Heimili undir hamarinn

Hef verið að.....

Fletta í gegnum bók undanfarin kvöld áður en ég býst til nátta..

Ekki s.s. í frásögur færandi en þar sem vantar nú nokkrar klukkustundir í sólarhringinn til að klára þau verk sem fyrir liggja þá ætti maður nú kannski bara að hugsa um að ná blundi þessa 4-5 tíma sem maður hefur aflögu til þess, en þetta er ákveðin hvíld og slökun fyrir svefninn, oft er erfitt að ná sér niður eftir annasaman dag og smá bókarglugg er tilvalið til þess.

Bókin á náttborðinu þessa dagana er Speki Konfúsíusar en hana fékk ég í jólagjöf frá afa og ömmu jólin 1989 og hef gluggað í hana annað slagið þessi 20 ár sem ég hef átt hana.

Konfúsíus fæddist 552 fyrir krist eða fyrir 2500 árum rúmum, og er speki hans velþekkt og í raun er hann sá spekingur veraldarsögunar sem er hvað mest hefur verið lesin en speki hans, Lunyu, var í yfir 2000 ár mest lesna bók kínaveldis.   Allir embættismenn urðu að geta vitnað í hann og jafnvel keisarinn sjálfur mátti ekki brjóta gegn leiðbeiningum þeim sem í bókinni fólust.

Á einum stað í bókinni spyr einn af hans lærisveinum hans um góðmennsku, og meistarinn segir (aðeins stytt og stílfært)

"Góðmennska er fólgin í því að vera fær um að rækja fimm dyggðir hvar sem er í heiminum, göfuglyndi, víðsýni, orðheldni, röggsemi og umhyggjusemi. Göfugmenni verða ekki fyrir svívirðingum, með víðsýni ávinna menn sér almenningsheill, orðheldni verður til þess að fólk felur þeim ábyrgðarstörf, með röggsemi má koma miklu í verk og umhyggjusamir menn eru hæfri til að skipa fólki fyrir verkum"

Ég staldraði aðeins við þennan kafla og hugsaði með mér að þessa speki og þessa bók ætti að vera kennslubók í viðskiptasiðfræði í Háskóla Íslands og jafnvel á fleiri stöðum,

Við værum sennilega ekki í þessum vandræðum í dag ef fleiri hefðu svona hluti að leiðarljósi í stað gegndarlausrar sjálftöku og eiginhagsmunapoti.

Fann einnig þessa vísu á ljód.is sem segir allt sem segja þarf:

Hvort sem læturðu frá þér illt eða gott

allt kemur í sömu mynt til baka,

þess ég hef séð víða vott

og vinur þú skalt mark á því taka.

Gömul speki og ný, en samt engu að síður allt jafn satt og rétt.

Góðar stundir. 

Í aðdraganda kosninga.

Hjá mér bærast blendnar tilfinningar varðandi ný afstaðna skoðanakönnun Stöðvar 2 og Fréttablaðsins, mér finnst hlutur okkar Frammara heldur rýr, get ekki sagt annað.

En hvað á maður að segja, komandi ár verða rýr í framkvæmdum, og það má jafnvel búast við (og reyndar nokkuð öruggt) að það þurfi á einhvern hátt hagræða og spara og draga saman í rekstri, og því alveg ljóst að næsta bæjarstjórn stendur ekki beinlínis með pálmann í höndunum, heldur erfið og krefjandi verkefni næstu árin.

Skuldir eru miklar og halli á rekstri sveitarfélagsins, og því verður að taka á.

Ef maður les það sem frá listunum hefur komið (og reynir að horfa á það hlutlaust) er þetta allt á svipuðum nótum, lítið um loforð um framkvæmdir, kröfur eru gerðar á ríkið um ákveðnar samgöngubætur og allir vilja verja grunnþjónustu sveitarfélagsins.

Þannig að ekki geta þessar kosningar snúist um áherslurnar, þær eru þær sömu heilt yfir.  Um hvað snýst þetta þá??

Snýst þetta þá ekki um að velja fólk, fólk sem tilbúið er til þess að taka á þessum málum, fólk með reynslu til að mæta þessu verkefni??

Allir listar hafa frambærilegt fólk með ýmiskonar bakgrunn, en ef horft er á 3 efstu sæti þá vil ég nú meina að reynslan sé mest hjá okkur, næstir koma Sjálfstæðismenn, og lestina rekur Fjarðalistinn.  Reynsla er reyndar ekki allt, en hún vigtar þeim mun meira eftir því sem verkefnin eru meira krefjandi og það eru þau svo sannarlega.

Ég er í það minnsta tilbúinn fyrir mitt leyti til að takast á við þetta umfangsmikla og erfiða verkefni, ég er ekki feiminn við að tala um hlutina eins og þeir eru ég vil frekar að menn hafi opin og hreinskilin samskipti innan bæjarstjórnar og utan og að okkar fólk (íbúar Fjarðabyggðar) veiti okkur allt það aðhald sem þeim finnst þurfa.

Það er líka nauðsynlegt fyrir þá sem gegna því hlutverki að vera í forsvari fyrir bæjarfélag að þeir séu sannsöglir og að þeir geti unnið úr sínum ágreiningi innan bæjarstjórnar og utan án þess að draga inn í það persónur viðkomandi Bæjarfulltrúa, starfsmann eða bæjarbúa.   Ef rétt er haldið á málum á það ekki að vera vandamál að aðskilja málefnin frá mönnunum og það er mjög mikilvægt, að persónuárásir og rangfærslur séu ekki viðhafðar þegar slegnar eru pólitískar keilur.

Þessi ágæta könnun sem birtist núna í morgun er vísbending en ekki neinn stóri dómur í þessu máli, en verði þetta niðurstaðan þá gefur það augaleið að ekki verð ég sáttur.  Ég hefði talið að okkar hlutur ætti að vera stærri eða sem næmi um 34% hið minnsta, miðað við reynsluna og fólkið sem stendur á bakvið listann.

Ég hef núna í aðdraganda kosninga stundum sagt að mitt höfuð sé að veði, að ég muni hætta að skipta mér af bæjarmálum nái ég ekki kjöri og þá ekki til að trekkja að fleiri atkvæði því eflaust eru einhverjir sem vilja gjarnan sjá mig hverfa úr þessum geira.  Allar opinberar persónur eru umdeildar, og þar er ég örugglega ekki undanskilinn.  Menn verða einfaldlega að þekkja sinn vitjunartíma og þar sem ég er búinn að vera í þessu í 12 ár hér í Fjarðabyggð, má segja að það sé jafnvel orðið gott, þó svo að ég hafi látið eitthvað gott af mér leiða.  Kosningar eiga nefnilega ekki síður að snúast um 2, 3 og 4 sæti, en um 1. sætið, oddvitarnir eru jú ekki einir í framboði.

Við verðum að bíða og sjá, ég hef reyndar trú á því að við náum 3  mönnum inn og eigum stutt í þann 4 en ef þetta fer svona verður maður að sjálfsögðu að hugsa sinn gang og reyna að átta sig á því hvaða skilaboð er verið senda.

En að lokum, vil ég að sjálfsögðu hvetja alla til að styðja Framsókn og ég ætla að bæta við, þó svo að það sé ekki hefðbundið, að frekar en að kjósa ekki þá skili menn auðu eða setji sitt atkvæði við einn af þeim þremur listum sem í boði eru, en á kjörstað eiga menn skilyrðislaust að mæta.

Góðar stundir.

 

Ja hérna hér...

Erum við nú búinn að gera svona róttækingar breytingar án þess að við tækjum eftir því??? Framsókn 2 Sjálfstæðisflokkur 2 og Fjarðalistinn 4, hvar er þá bæjarfulltrúi númer 9 ????

Sennilega segir þetta ýmislegt um ástandið, við ætlum að spara einn bæjarfulltrúa og vera með 10 þegar betur árar...

Og hafa ber í huga að það er engin þörf fyrir oddamannn þar sem allar fundargerðir eru yfirleitt alltaf samþykktar með öllum greiddum atkvæðum....

Já það er fjör

Meirihlutinn heldur í Fjarðabyggð

Það er alveg grátbroslegt...

Að lesa bloggin um þessa frétt...

Guðrún er ýmist gerspillt frá gerspilltum flokki eða þessi gerspillti flokkur er að losa sig við óspilltan ferskan stjórnmálamann af því að hún er ekki þóknanleg eiinhverju "flokkseigandafélagi".  Bara eftir því hvað hentar málstað viðkomandi....

Ég er alveg að verða búinn að fá mig fullsaddan af svona helvítis bulli, eini flokkurinn sem eitthvað hefur tekið til í sínum ranni er Framsóknarflokkurinn og það kemur berlega í ljós núna þegar þingmenn annara flokka þurkast í leyfi frá Alþingi, býst við að þeim gjörningum sé ekki lokið og fleiri eigi eftir að fara í frí.

 

Segir sig af lista Framsóknarflokksins

Spurning...

Hvað þetta heldur lengi áfram, það eru fordæmi fyrir því að það geti gosið ansi lengi úr þessari eldstöð sem og öðrum íslenskum.

Munar þó miklu um það hversu mikið gjóskufallið hefur minkað eftir að gosið náði sér uppúr ísnum að hluta og ef þetta verður hreint hraungos þá minka vandræðin sem af því hljótast.

Það verður þó ekki horft fram hjá því hversu miklar búsifjar íbúar undir Eyjafjöllum og þjóðarbúið allt hefur hlotið af þessu, en vonandi kemur ekki annað og öflugra gos í kjölfarið hjá nágrannanum Kötlu, en þó að það séu fordæmi fyrir því þá eru jú fleiri fordæmi þess að Eyjafjallajökull einn og sér gjósi án þess að Katla fylgi í kjölfarið.

Ég verð þó að segja það að orð Óla forseta eru í raun orð í tíma töluð því að allar okkar varúðarráðstafanir hafa snúist um rýmingu og bjargir á okkar fólki á hamfarasvæðunum en ekki hafði verið mikið horft í hluti eins og flugsamgöngur í allri Evrópu og víðar í þessu samhengi, en stæra gos frá Kötlu myndi hafa mun alvarlegri áhrif en þetta gos er nú búið að hafa og því ættu menn nú að hugsa í það minnsta eitthvað um úrræði ef hér yrði flugsamgangalaust í einhverjar vikur jafnvel komi til öflugs gos í Kötlu.

Einnig eru aðrar öflugar eldstöðvar sem gætu haft jafnslæm áhrif, s.s. Öræfajökull og Bárðarbunga en þessar stöðvar hafa verið mun rólegri í gegnum tíðina en eru samt virkar og gætu skotið ösku upp í himinhvolfin með líkum hætti og Eyjafjallajökull hefur gert, og gos í Bárðarbungu hafa verið öflug þó ekki hafi þar gosið á sögulegum tíma.

Jarðfræðingar hafa jafnvel talið að Jökulsárgljúfur og Ásbyrgi hafi myndast í hamfarahlaupi við gos í Bárðarbungu en gljúfrin eru það gömul að sennilega hefur verið til staðar meiri ís en nú er.  Stærsta hraun landsins og reyndar á jörðinni úr einu gosi á nútíma er ættað úr Bárðarbungu, en það er Þjórsárhraunið sem varð til í gosi í Bárðarbungu fyrir 8500 árum.  Rann það ofan af hálendinu vestan við Bárðarbungu, og í sjó fram milli Ölfusár og Þjórsár.  er það talið vera um 30 rúmkílómetrar og 950 ferkílómetrar, til samanburðar þá er Skaftárhraun það stærsta sem runnið hefur á sögulegum tíma á jörðinni "einungis" 12 rúmkílómetrar og um 500 ferkílómetrar.

Það er því ljóst að það sem við höfum upplifað af gosum hér á skerinu síðustu vikur er í raun bara sýnishorn af því sem getur hér gerst, en það ber auðvitað að hafa í huga að þessi stóru gos eru með löngu millibili og því ekki líklegt að við upplifum svona stærstu "sort" en þó má búast við einhverju stærra en því sem við höfum nú séð.

Fleiri svæði eru "komin á tíma" og sennilega eru þeirra hættulegust svæðin á Reykjanesi þ.e. Trölladyngja, Brennisteinsfjöll og Reykjaneskerfi, en síðustu staðfestu gos urðu fyrir um 700 árum, en venjuleg virkni í þessum kerfum er að öflugar goshrinur hafa komið á um 800 til 1000 ára fresti, og því má segja að þar sé kominn tími á gos þó svo að ansi mörg ár geti liðið áður en nokkuð gerist. 

Engin merki um goslok

Fær þetta

Staðist nánari skoðun..??

Hef áður skrifað um þetta hér og mér finnst eins og það sé ekki horft á málið heilstætt og skoðað ofan í kjölinn.  Hækkun lána Íbúðalánasjóðs var minni en allra annarra fjármálastofnana og einnig skulum við hafa hugfast að stór hluti þeirra sem tók þessi lán hefði hvort eð er fengið 90% lán, en þau voru þegar í boði fyrir tekjulága einstaklinga en svokölluð viðbótarlán stóðu þeim til boða sem voru að fjárfesta í sinni fyrstu íbúð.

Einnig hefur hámarksupphæðin mikil áhrif en hjá íbúðalánasjóði er hún 18 milljónir, en þær eru nú fáar fasteignirnar sem kosta svo lítið að það dugi fyrir 90%.

Ég held að hér eigi aðeins að staldra við og skoða málið, því að það voru bankarnir sem höfðu langmest áhrif á fasteignaverð og þenslu með sínum yfirboðum og 100% lánum án hámarksupphæðar.

Þeir vildu íbúðalánasjóð feigan, vildu fá hans sneið af kökunni til að geta setið einir að þeim lánamarkaði sem til var þar, og allt var gert til að reyna að knésetja hann. 

 

 

Áttu að vita betur en að auka útlán Íbúðalánasjóðs

Ég á....

Afmæli í dag og nenni ekki neinu, segir einhverstaðar í lagatexta með Borgfirðingnum Magna "the Magnicifent"

En ég á í sjálfu sér ekki afmæli en bloggafmæli á ég, og það eru nú 4 ár frá því að ég hóf að hamra niður orðum á þessum vettvangi..

Misjafnt hefur þetta nú verið, það er nú öllum ljóst að ég stefni ekki á nein Nóbelsverðlaun, enda er þetta aðalega gert til að ég fái smá útrás fyrir skoðanir mínar og kanski til að kitla egóið lítið eitt einnig.

Stundum er ég alveg þokkalega ánægður með mín skrif en stundum ekki og misvel eldist þetta. Ég fékk meira að segja þá flugu í höfuðið á tímabili að gefa út bloggið mitt með áföllnum athugasemdum og sjá hvaða undirtektir það fær, en ég held reyndar að það sé ekki endilega góð hugmynd...

En hvað um það, ég hef verið afskapleg latur að undanförnu að hamra á lyklaborðið, og kemur það til af tvennu fyrst og fremst þ.e. tímaskortur, og Facebook, en sá samskiptavettvangur léttir töluvert á þörfinni fyrir blogg, maður hefur jú ansi mikil samskipti þar í gegn við vinin mína og félaga....

En ef einhverjir hafa eitthvað gaman af þessu og ég næ að tjá mínar skoðanir eitthvað þá er tilgangnum náð..

Njótið...

Þarf að skoða...

Það að gera þetta fyrir fleiri samgöngumannvirki..

Það er t.d. eitt slíkt í Hamarsfirði sem verður 100 ára eftir 5 ár og er ein elsta bogabrú á Íslandi.Þessa brú þarf að gera upp og varðveita því að hún er falleg og á fallegum stað og er merkilegur minnisvarði um samgöngur í árdaga bílsins á Íslandi..Hér er mynd af þessari brú tekin af nýju brúnni sem leysti hina af hólmi 1969

Brú fyrir gangandi og ríðandi

Getur ekki einhver....

Góður rannsóknarblaðamaður eða bara einhver sem hefur tíma og áhuga, fundið út hvað íbúðalánasjóður lánaði mörgum 90% lán á meðan það var hægt?? Og hvort þessi lán voru hámarksupphæða (18 milljónir) eða minna??

Kannski er ég bara svona einfaldur, en ég skil ekki afhverju þessari einstöku aðgerð sem kom fyrst og fremst fólki á landsbyggðinni og fólki með lægri laun til góða, og einnig þeim sem voru að reyna að eignast sína fyrstu eign.

Mismunirinn er 1 (ein) milljón á gömlu lánunum og nýju miðað við hámarksupphæðir, á meðan "frjálsu bankarnir"lánuðu 100% án hámarksupphæðar (allt að 50 milljónum hefur maður heyrt)

Ef íbúðalánasjóður hefur lánað 15.000.- lán með þessum formerkjum þá eru það 15 milljarðar aukalega inn í hagkerfið, og miðað við þensluna og umfangið sem að í gangi var þá er það einungis skiptimynt..

Ég vil fá einhvern til að taka þetta út, og skoða, því að ég hef fulla trú á því að sú skoðun myndi leiða einmitt þetta í ljós, en ekki að það væri allt Framsóknarmönnum að kenna hrunið vegna þess að lán íbúðlánasjóðs hækkuðu. Vissulega bera fyrrverandi formaður og aðrir ábyrgð, en ekki vegna þessarar aðgerðar.

Framsókn er þó eini flokkurinn sem búinn er að taka til í sínum ranni, aðrir eiga eftir að gera það, eins og atburðir síðustu vikna hafa greinilega leitt í ljós.

Betur að aðrir flokkar hefðu haft það hugrekki fyrr, þá væri nú kanski búið að gera eitthvað í málefnum fjölskyldna í landinu, en ansi margar sjá ekki fram úr sínum vanda og Frú grámann og jarðfræðingurinn vilja ekki sjá hið sanna í málinu.

Hvað er þetta...??

Er maðurinn á prósentum hjá Stjána ??

Einnig veltir maður því fyrir sér hvort að frændur okkar í Norge láti svona illa að stjórn, að ráðherran megi ekki missa úr tvo daga án þess að allt fari í bál og brand??

En ég held reyndar að þetta sé snilldartæki eins og svo margt sem Steve Jops og hans fólk hefur sennt frá sér...

Stýrði Noregi með iPad