Hver á

Nú að sinna gæslu í kringum landið??

Það er ljóst að þessi aðgerð ásamt miklum sparnaði innan LHG verða til þess að skerða þjónustu og minka viðbragð hjá þessari stofnun.

Er möguleiki að gæslunnar sé ekki þörf?? Ja maður spyr sig, en ég er reyndar ekki á þeirri skoðun að hennar sé ekki þörf, en þegar alltaf er þrengt að þá hlýtur maður að velta því fyrir sér.

...

Ægir heldur til Senegal

Þetta er ....

Eitthvað skrítið, þar sem ég var þarna á frðinni í dag og sá enga útlendinga aðeins slatta af Fáskrúðsfirðingum sem voru nýkomnir frá Ódáðavötnum

Þarna var allt á kafi í snjó og alveg ágætar merkingar við Hallormsstaða afleggjara niðri í Skriðdal.

Öxi var kolófær en ég gat paufast yfir Breiðdalsheiði með lagni á 4 pundum og í rólegheitum.

En veðrið var afspyrnufallegt og einmitt til þess fallið að leika sér í snjónum...

Ferðamenn festu sig á Öxi

Gæti það verið......

Að heita vatnið sem búið er verið að leita að hér innan fjallahringsins á Reyðarfirði leynist á Sléttadal??

Ég velti því fyrir mér vegna þess að rétt um jól, þegar hér var ennþá einhver snjór að ráði, þá fór ég stuttan sleðarúnt upp á Grænafell og um Sléttadal.
Það er s.s. ekki í frásögur færandi að maður ferðist eitthvað á færibandinu yfir veturinn, en þarna var ég og ákvað svona til að gera þetta skemmtilegra að þræða gil sem liggur á miðjum Sléttadal á sleðanum.

Þarna var ég að sprauta inn gilið, þegar allt í einu pompar undar mér snjór og ég sit pikkfastur. Auðvitað plótaði ég í sand og ösku, því að það er ekkert grín að festa sleða við þessar aðstæður og gríðarerfitt getur verið að losa svona tækki sé það fast í alvöru púðri, og að ég talu nú ekki um ofaní gili sem þessu.

Þegar ég var búinn að fita púkan á fjósbitanum duglega með vel völdum orðum, tók ég af mér hjálminn og kannaði aðeins aðstæður.
Ég varð ekki lítið hissa þegar undan snjóloftinu upp með klettinum steig hiti, það mikill hiti að maður fann það greinilega. Ég stakk mér niður með klettinum og fann að þarna undir snjónum var hiti og það sáust ummerki um það líka að þarna væri práðnun af völdum hita þó ekki væri hann gríðarmikill.

Þegar heim var komið hafði ég samband við nokkra aðila sem eiga að þekkja nágrenni Reyðarfjarðar vel en engin hafði heyrt minnst á hita af neinu tagi á þessum slóðum.

Ég hafði því samband við Ómar Bjarka jarðfræðing, sem hér hefur starfað við jarðhitaleitina og þótti honum þetta merkilegar upplýsingar.

Í gær fórum ég og Gylfi Félagi minn í Ársól, þarna upp á Landrover Ársólar til að taka þarna GPS punkt og skoða aðstæður.

Öðruvísi var um að litast núna þar sem að minni snjór var, og ekki hægt að merkja hita þar sem hlýtt var og sólin búin að skína allan daginn, en það virtist vera minna um svell á klöppunum þar sem að að þessi staður er og einnig var lækurinn ekki þakin svelli eða snjó á þeim kafla sem um ræðir.

Það verður fróðlegt að sjá hvernig þetta mál þróast...
Kanski verður loksins eitthvað úr þessari leit af "glæra gullinu" eins einhver kallaði heita vatnið.....

Staðsetningin er 65°03,470 og 14°18,890 og það er hægt að skoða þetta t.d. á Google earth

Merkilegt nokk...

Margt getur breyst á sex árum, t.d. hugur hæstvirts forsætisráðherra til þjóðaratkvæðagreiðslu..

Fyrir nokkrum árum skrifaði Jóhanna ma.a. um þjóðaratkvæðagreiðslu sem þá stóð fyrir dyrum:
"Ákvörðun forseta Íslands í gær um að beita synjunarvaldi forsetans skv. 26. gr. stjórnarskrárinnar og vísa fjölmiðlalögunum í þjóðaratkvæðagreiðslu er mikill styrkur fyrir lýðræðið í landinu."

Fyrir atkvæðagreiðsluna nú segir hún að:
"þjóðaratkvæðagreiðslan hafi ekkert vægi því lögin hafi í raun verið runnin úr gildi"

Enfremur segir ráðherran árið 2004:
"Stjórnvöld verða að skilja það að nú er það þjóðin sjálf sem á leikinn. Forsetinn hefur í þessu máli fært valdið í hendur fólksins. Fólkið i landinu ræður nú úrslitum um, hvort fjölmiðlalögin taka gildi eða ekki. Þann rétt ber framkvæmdavald og löggjafarvald að virða." Ennfremur bætir hún við: "Þessi sögulegi atburður mun marka tímamót í lýðræðissögu þjóðarinnar. Fólk mun gera kröfu til þess að stjórnarskráin færi þeim þau mannréttindi, að fá sjálft í hendur ákvörðunarrétt til þjóðaratkvæðagreiðslu. Þessi krafa verður enn brýnni, þegar stjórnarhættir á Íslandi minna orðið meira á tilskipanir einræðisherra en lýðræði. Fólkið mun segja hingað og ekki lengra."

Aldrei þessu vant þá held ég að Hæstvirtur forsætisráðherra hafi haft rétt fyrir sér þarna, og hún ætti nú ásamt Steingrími Joð að minnast eigin orða, frekar en að gera litið úr þeim afgerandi úrslitum sem komu fram í kosningunum í gær.

Vangaveltur ráðherrans má finn aí heild sinni hér: http://www.althingi.is/johanna/pistlar/safn/001302.shtml

Af vegum og vegleysum..

Á síðustu 20 árum eða svo er búið að betrumbæta íslensk vegakerfi í veldisvís.  Það eru um 20 ár síðan ég fékk minn "bleika passa" og ég man það vel hvernig vegirnir voru þá og ef að horft er um öxl þá má eiginlega segja að það sé með ólíkindum hvað er búið að gera mikla bragabót á þjóðvegum Íslendinga.

Samgöngumál og vegamál er eitthvað sem flestir hafa skoðanir á, auðvelt er að mynda sér skoðun um það hvar vegurinn á að liggja og hvaða veg skuli leggja og því er almennt mikið umræða um þessi mál meðal fólks.

Hver kannast t.d. ekki við umræðu um suðurlandsveg, vesturlandsveg, hálendisveg, Svínvetningaleið, Öxi, Fjarðarheiði og alla þá jarðgangaumræðu sem átt hefur sér stað undanfarin ár.??

Flestir sem fylgjast með fjölmiðlum á annað borð, þekkja þetta og í þessari umræðu kom fram hin ýmsu sjónarmið, og hver einn og einasti er fullkomlega sannfærður um það að hann sé sá eini sem þekkir stóra sannleikan í málinu, aðrir sú nú bara eitthvað að misskilja þetta allt saman.

En því miður, þá hefur það fjármagn sem eyrnamerkt hefur verið vegaframkvæmdum, verið notað á pólitískan hátt en ekki faglegan, og því miður þá eru deilur um framkvæmdir fyrst og fremst á pólitískum nótum en ekki faglegum...

Engin samgönguráðherra sem ég man eftir hefur reynt að laga þetta og byggja upp heildarsýn yfir það sem þarf að gera, heildarsýn hefur ekki verið til staðar síðan það var markmið að loka hringveginum og tókst það  árið 1974.  Síðan þá hafa embættismenn og pólitíkusar bitist um fjármagnið á pólitískum nótum.

En skoðum þetta nú aðeins, hvað er ég að tala um í raun??

Ég er að tala um það   að við notum tölfræðina til að hjálpa okkur við að ákveða forgangsröðun á vegabótum, hættum að nota "mér finnst" og "ég er viss um" setningar til að rökstyðja hvar hvernig og hvenær á að framkvæma.

Þessi tölfræði er til, hún er til hjá Umferðarstofu, Vegagerðinni, Slysavarnarfélaginu Landsbjörgu, og fleiri opinberum aðilum.  Þessi tölfræði á að snúast um nokkra hluti s.s. Öryggi, Umferðarþunga, Styttingar, Hagkvæmni, vetrareinangrun, og fleira í þessum dúr.  Auðvitað kemur pólitík að spila þarna rullu líka, en vægi hennar á að vera minna en verið hefur.

Vegagerðin heldur skrá yfir slysatíðni ásamt umferðarstofu, einnig er Vegagerðin með mælingar á umferð, þar meta menn kostnað og styttingar og hagkvæmni.

Þessu er öllu skellt saman, og út kemur stuðull eða tala sem gefur ráðamönnum vísbendingu um hvað sér rétt, en eins og áður sagði þá er það jú að lokum pólitíkin sem sker úr um þessi mál.

Já sællll...

Okkar skuldir eru bara skiptimynt við hliðina á þessum sjóð sem á 1% af öllum hlutabréfum í heimnum og hagnaðist um þessa svimandi upphæð á síðasta ári..

Rúmlega 13 þúsund.- milljarðar... það er ekki lítið...Þrettánþúsundmilljarðar...eða  

13.000.000.000.000.-  

Ég held að ég hafi taið núllin rétt, en ef að ég gerði það ekki þá endileg leiðréttið mig.

 

Besta ár í sögu norska olíusjóðsins

Helvíti aumt...

Mér fannst það áberandi aumur fréttaflutningur af nýafstaðinni hækkun á öllum miðlum.

Verð á eldsneyti hefur aldrei verið hærra og því eiga blaða og fréttamenn að vinna smá heimavinnu áður en þeir taka viðtöl við forsvarsmenn olíufyritækjanna..  T.d. að bera saman hlutföll milli hina einstöku kostnaðarliða í lítranum, hver er hlutur ríkis, hver er hlutur olífélagsins og svo framvegis...

Þetta hefur algerlega vantað í umræðunni um dýrt eldsneytisverð einhverja vitræna umræðu ekki bar eitthvað glans frásögn þar sem kemur ekkert fram annað en það sem menn vita nú þegar...

Hvernig væri að fara vinna aðeins markvissar og fara hugsa eins og að menn séu að vinna hjá þriðja valdinu, en ekki hjá einhverju poppblaði...

Heimsmarkaðsverð á olíu lækkar

Getur...

Maður sótt um á Jop.is eða hjá Capacent..???

Nasa velur kandídata í næstu geimferð

Nú kemur í ljós...

Hvaða áhrif endalausar skattahækkanir hafa á samfélagið.

Hækkun á virðisauka, hækkun á eilsneytisgjöldum, hækkkun á tekjuskatti, hátekjuskattur, og fleira og fleira.

Ekki nóg með það að það sem eftir situr í vasa fyrirtækja er minna og því verða þau að hagræða, heldur hefur meðaljóninn minna og minna á milli handana og því er minna verslað sem þýðir minni veltu sem þýðir meiri samdrátt og lægri skattgreiðslur.

Og atvinnuleysistryggingasjóður undin eins og gömul borðtuska til að reyna að ná einhverjum peningum þar út, en það er sennilegt að þar verði allt tómt fyrr en varir.  Og þá þarf að leggja aukaframlög í hann sem koma úr ríkiskassanum og þá verður nú sennilega ekki til fjármagn í að stoppa upp í fjárlagagatið.

Ekki hef ég neinar töfralausnir, en það þarf að fara skoða þessa hluti alla í stærra samhengi en gert hefur verið, það er ekki nóg að skoða bara a til e það þarf að skoða starfrófið allt.

Að ekki sé minnst á "sparnað" sem stofnanir hins opinbera eru í, t.d. veit ég um opinberan starfsmann sem nú er í 50% starfi eftir niðurskurð, en hin 50% af sínum launum fær hann úr atvinnuleysistryggingasjóði.  Semsagt það sparast peningur í vinstri vasanum en sami peningur fer úr þeim hægri...

Endemis vitleysa...

Sjá fram á frekari uppsagnir

Lundinn er...

Herramannsmatur, hvort sem er steiktur, reiktur eða grafinn.

Reyndar færi nú illa fyrir íslensku þjóðinni ef að við stóluðum á lunda sex mánuði á ári, það yrði sennilega einhver hungurdauði sem fylgdi því, en það hefur ekki verið mikið af lunda undanfarin ár í Eyjum þó að ástandið hafi ekki verið eins slæmt hér fyrir austan.

Einnig er lundaveiði með skemtilegri veiðimennsku sem ég hef prufað.

Verði þér að góðu herra Ramsey...

Dætur Ramsay skömmuðu hann fyrir lundaát

Nú þegar....

Eru skattar á bifreiðar og önnur ökutæki skattlögð miðað við losun á koltvísýringi..

Eldsneytisgjald það sem lagt er a bensín og olíur er í raun kolefnisgjald, þar sem að þeir bílar sem eyða meiru skila meiru í ríkiskassann.  Það má því segja að yfirvöld á íslandi séu frumkvöðlar í þessum málum, þar sem eldsneytisgjald er búið að vera við lýði svo áratugum skiptir, löngu áður en "grænir" skattar komu inn í umræðuna.

Ég held að Steingrímur og fylgissveinar og konur þurfi nú aðeins að hugsa sinn gang, þar sem að þetta kemur til með að koma enn einu sinni harkalega niður á heimilum i landinu, og allar þær fyrirgreiðslur til fjölskyldna sem boðaðar hafa verið eru horfnar og miklu meira en það, vegna hækkandi skatta.

Einnig er mér minnisstætt að Sigmundur Ernir Samfylkingu fór mikinn í því að tala niður niðurfellingarleið þá sem Framsóknarmenn boðuðu í aðdraganda kosninga, og kallaði hann þá aðgerð "eignarupptöku á eignum landsbyggðarfólks" og vildi meina að landsbyggðin myndi aldrei njóta eins né neins ef að 20% leiðin færi farin.

Það heyrist ekki mikið í honum núna blessuðum drengnum, þegar ljóst er að kolefnisgjald og skattar koma til með að leggjast af meiri þunga á dreifðari byggðir en þéttbýlið suðvestanlands.

Það skortir tilfinnanlega heildarsýn í þennan skattapakka og ég held að sé alveg kominn tími að stíga aðeins út fyrir og horfa á þetta utanfrá, hugsa út fyrir kassann eins og sagt til að fá alvöru yfirsýn yfir hlutina.

Hvað er t.d. stór hluti lána Ríkissjóðs verðtryggður og hvað áhrif hafa vísitöluhækkanir á þann lánapakka.  Hvað má reikna með að neysla dragist mikið saman við hækkun á bensíni um 5 - 10 krónur, og minkar neyslan það mikið að aukið gjald gerir ekkert annað en að þyngja róður heimila...

Það eru fleiri og fleiri svona hlutir sem þarf að skoða frekar en að standa í svona sparðatíningi alla daga.....

Mengunarskattur á bíla

Afhverju erum...

Við að fara að byggja nýtt hátæknisjúkrahús.??

Ég skil ekki hversvegna það að slá þessari framkvæmd á frest er ekki ein af sparnaðaraðgerðum stjórnvalda.

Nú setur eflaust einhver í brýnnar, og hugsar að dreifarinn sé nú alveg að missa sig, að bölsótast út í þessa bráðnauðsynlegu og löngu tímabæru framkvæmd....

En horfum á þetta aðeins....

Nú er verið að boða niðurskurðarfagnaðarerindið hægri vinstri, reyndar ekki eins mikið og við ættum kanski að gera, það er jú alltaf erfitt að skera niður, en á sama tíma og það þarf að draga saman í heilbrigðiskerfinu öllu á að eyða milljörðum (mig minnir 50 slíkum) í það að byggja hús sem væntanlega verður erfitt og dýrt að reka, og erfitt að manna einfaldlega því að það þarf að skera niður í öllum rekstri.

Er þetta nauðsynleg framkvæmd í ljósi aðstæðna, en það má búast við því að einhverjir heilbrigðisstarfsenn fái uppsagnarbréf áður en dýfunni er lokið og einhverjir munu hrekjast af landi brott, og ég óttast það (og vona að ég hafi 100% rangt fyrir mér) að það verði jafnvel erfitt að manna allar stöður í núverandi húsi með núverandi aðstöðu, þó að ekki verði ráðist í það að stækka dæmið enn meir með nýju húsi.

Heilbrigðisþjónusta snýst nefnilega ekki um steynsteypu og arkitektúr, hún snýst um fólk, fólk sem sinnir og fólk sem þarf að sinna..

Þetta á að bíða, það má kanski sinna udirbúningi og gera allt klárt, til að hægt sé að hefjast handa um leið og svigrúm verðu til þessm, en nú er rétt að bíða.

Ef tíminn yrði nýttur til undirbúnings, þá myndum við kanski sjá hið ótrúlega gerast þegar ráðist yrði í framkvæmdina..

Hátæknisjúkrahúsið yrði byggt og áætlun um byggingarkostnað myndi standast.....