Ekki í fyrsta skipti...

Sem eitthvað er rannsakað sem er almennt vitað.  Reyndar er nú þannig málum háttað í dag að ef það er ekki staðfest með "vísindalegum" rannsóknum, þá er það ekki bara rétt, en það sem hefur verið vitað og á allra vitorði í gegnum árin einskis virði, nema að baki liggi þesslags rannsókn.

Þreyta dregur úr afköstum, hvort sem er um að ræða andlegum eða líkamlegum.....

Nætursvefn gefur hærri einkunn

Snjórinn orðin...

Að rigningu, hér í Trois Rivieres, en alla leiðina frá Beu Como snjóaði og það var frekar þreytandi að aka alla þessa leið (um 600km) á sumardekkum í hundslappadrífu.

En hér er ég komin og allt í gúddí með mig. ´

Hef s.s. ekki mikið að segja annað en það að ég hreinlega verð að fara hingað aftur að sumri til og keyra hér um, því að hér er sko öruggulega gríðarlega fallegt þegar allt er í sumarskrúða.  Ekki það að það sé ekki fallet núna, en það er bara öðruvísi og ekki eins ferða vænt.

Ég set inn myndir seinna, náði reyndar ekki mörgum, en einhverjar eru eflaust nothæfar.

Kveð að sinni.......

Smá uppfærsla..

Á þesari bloggsíðu minni.  Hef ekki haft mikin tíma til að setja neitt hér inn undanfarið en það er nú bara eins og hlutirnir eru í dag.

Vorum að koma til Beu Como í Kanada, þar sem ég mun eyða næstu þremur dögum á ður en ég held aftur suður á bógin til Beucancour.  Hér verður skoðuð víravél sem er reyndar mun eldri en sú sem er í Beucancour, en sumir hlutar þessarar vélar eru líkari okkar.  Ég er hér með góðum hóp af fólki sem er búin að vera í ströngu prógrammi síðan í september við að læra á þessar maskínur, og koma þau ekki heim fyrr en 9 des.

Það var reyndar gríðarlega skemmtilegt að keyra hingað uppeftir alla 700 kílómetrana, en það var ekki mikið hægt að stoppa því að tíminn er af skornum skammti og prógrammið stíft.  Reyndi að taka eitthvað af myndum á leiðinni og ég mun setja eitthvað af þeim hérna inn í kvöld þegar við erum búin að fara fyrsta hring um verksmiðjuna

Veðrið er gott, 4 stiga hiti sól og heiðskýrt, og ég vona að þannig verði það líka á fimtudaginn þegar ég keyri aftur til baka  og þá ætti ég að geta náð fleiri myndum.

Þar sem að ég get ekki hringt úr GSM símanum hér þá mun ég nota þessa síðu til að senda ykur heima sem ég hef reynt að hringja í á hverjum degi, eitthver skilaboð um það hvernig hlutirnir ganga fyrir sig.

En kveð í bili.....

Já..

Það er greinilega ekki nóg að gera á Alþingi þessa daganna.  Kanski er ég bara karlremba út í eitt, en mér finnst að þingmenn (lesist þingkonur) geti nú eytt tímanum sínum í eitthvað þarfara en þetta, hlut sem skiptir akkúrat engu máli.

Það er fullt af starfsheitum sem hafa skýrskotun til annars hvors kynsins, en það er einungis í kolli þeirra sem lesa eða sjá starfsheitin sem mismunun eða kynjaskipting verður til.

Ég mynnist þess ekki að hafa tal mentamálaráherran okkar bíða þess hnekki á nokkurn hátt að vera ráðherra" eða fyrverandi Iðnaðarráðherra svo einhverjir ráðherrar kvenkyns séu nefndir.

Ættum við að fara með þetta niður í allar starfstéttir og breyta starfsheitum sem eru kven eða karl læg?  Með ómældum kostnaði og fyrirhöfn og ruglingi þá er það eflaust hægt, en ég held að það sé skynsamlegra að reyna að losa fordómana úr höfði þeirra sem hugsa á þessum nótum.

Vill nýtt starfsheiti fyrir ráðherra

Gott framtak, en...

Það eru einnig viðskiptavinir Iceland air sem borga þetta, með skiptimynt og peningum sem þeir skilja eftir í vélum félagsins þegar þeir fara frá borði. 

Umslög þar sem fólk er hvatt til þess að styrkja þetta verkefni með skiptimynt sem að ekki er hægt að skipta í aðra gjaldmiðla þegar heim er komið eru um´borð í vélunum og ég veit um marga sem gera þetta, þ.e. setja klinkið í þessi þar til gerðu umslög.

En engu að síður er þetta gott framtak hjá þeim.

 

Icelandair býður börnum með krabbamein í skemmtiferð

Eitt sinn....

Var ég eldheitur stuðningsmaður þess að áfengi færi í matvöruverslanir, eða bara í allar verslanir sem vildu. 

En ég er það ekki lengur.

Mikil breyting hefur orðið á ÁTVR síðan ég var þessarar skoðunar og það er fyrst og fremst þessvegna sem ég er ekki hlyntur því að þetta fari í allar almennar búðir, og einnig er það vegna þess að ég bý á landsbyggðinni og sé fyrir mér minna vörúrval og skerta þjónustu verði þetta frumvarp að veruleika.

Skoðum málið aðeins....

Ef við tökum út aðgegnis tökin, þ.e. að aukið aðgengi valdi auknum skaða þá stendur eftir fullyrðing frumvarpssmíðenda að þetta auki þjónustu og tryggi lægra verð.

Eflaust lækkar verðið eitthvað en hvað kostar þetta að öðru leiti??  Ef við tökum staði eins og Reyðarfjörð, Fáskrúðsfjörð,  Djúpavog Norfjörð, Seyðisfjörð og Egilsstaði fyrir, en allir þesir staðir eru með verslun frá ÁTVR í dag,þá þýðir þetta minni þjónustu og minna vöruúrval.  Af hverju?

Jú, á minni stöðum eins og þessa sem ég var að telja upp hefur ÁTVR tryggt ákveðið lágmarks vöruúrval í léttum vínum og bjór ásamt því að selja sterka drykki.  Ef t.d. Sparkaup á Djúpavogi mundi höndla með létta vínið og bjórinn, myndi vöruflokkum í þeim tegundum fækka, því að áfengislager er dýr og einungis handfylli af vinsælustu tegundunum standa eftir. 

Því næst myndi ÁTVR loka sinni verslun á staðnum því að ekki borgar sig að halda henni úti ef vinsælustu bjórtegundirnar fást í matvöruverslun staðarins (bjór er með margfalt hraðari vöruveltu en aðrar áfengistegundir og hann er afar stór  prósenta af heildar veltu og sölu ÁTVR)  og því myndu sterku drykkirnir ekki fást nema með gamla laginu, í gegnum póstkröfu.

Þegar "ríkið" væri farið er komin möguleiki fyrir verslunina að hækka álögur á þær fáu tegundir sem eftir sitja og þá sjá allir hvaða vítahring við erum komin í.

Eflaust lækkar verð þar sem samkeppnin er mest og eflaust eykst vöruúrval þar sem fólkið er flest, en ekki annarsstaðar

Þannig að það er mín skoðun að þetta frumvarp er tímaskekkja, því eftir að ÁTVR breytti stefnu sinni og fór að fjölga vínbúðum þá hefur þjónustan verið til fyrirmyndar og verðið það sama hvort sem um er að ræða Reykajavík eða Reyðarfjörð.

Svo má einngi benda á það að áfengi er nú þegar í matvöruverslunum t.d. á Djúpavogi og í bensínstöðvum t.d. á Seyðisfirði.  Meira að segja er hægta að versla útivistarfatnað og áfengi nánast í sömu verslun, á Reyðarfirði og Norfirði.

Það er engin þörf fyrir þetta frumvarp......

365 daga á ári......

Og 24 klst á sólarhring, það er vaktin sem björgunarsveitarmenn og konur standa að öllu jöfnu.  Þessi vakt er staðin hvernig sem viðrar og alltaf eru einhverjir klárir í útkallið, ef það skyldi koma.

En það er um að gera að gera SL erfiðara fyrir, því nú er einhver snillingur búinn að kæra félagið til samkeppnisstofnunar og samkeppnisstofnun búin að úrskurða að félaginu sé skylt að vera með tvöfaldan rekstur, eina deild sem sinnir því sem talist geti samkeppnisrekstur og aðra deild sem heldur utanum allt hitt.

Þvílí endemis djöfulsins vitleysa, maður á ekki til orð yfir þessu!!!  Á meðan við sem búum úti á landi borgum vikulaun verkamanns í flugfargjöld til höfuðstaðarins, og samkeppni þar er engin og því okrað á okkur, þá eru samkeppnisyfirvöld að vasast í því að veikja stærstu sjálfboðaliðasamtök á íslandi með svona vitleysisgangi.

Ég efast um að þessi söluaðili sjúkrakassa sé tilbúinn til að leyta að rjúpnaskyttu á komandi veiðitímabili, né vokkuð annað af því sem að björgunarsveitirnar standa í daglega, ja nema kanski gegn borgun.

Ég held að það sé komin tími til að stokka upp samkeppniseftirlitið allt, þannig að það beiti sér þar sem virkileg samráð og fákeppni er til staðar, en ráðist ekki á samtök sem eru að vinna í almannaþágu.

Sjá nánar hér:

http://www.mbl.is/mm/frettir/innlent/frett.html?nid=1297856

Borgin við sundin...

Er mál málana þessa dagana, eða pólitíkin þar á bæ öllu heldur.   Ekki veit ég (frekar en margur annar) hver er sekur um hvað í þessu REI máli öllu, því ansi margsaga hafa menn verið undanfarið.

En hvar eru rannsóknarblaðamenn þessa lands þegar við þurfum á þeim að halda??  Ekki hefur neinn sprottið fram en til að kryfja málið til mergjar okkur öllum til upplýsininga.

Ég held nú reyndar að Sjálfstæðismenn geti sjálfum sér um kennt hvernig fór með meirihlutasamstarfið, því að þeir voru svo langt frá því að vera samtaka í byrjun málsins, þó kórinn hafi verið farin að tóna rétt í restina.  Lýðræðið var því miður ekki virt sögðu sjallarnir, en ef að þessi nýji meirihluti sem myndaðist með þessum farsakennda hætti er sammála um þetta mál, er það þá ekki lýðræðislegt??  Ekki var samstaða innan fráfarandi meirihluta um málið, og ef maður les milli línana átti Bingi einfaldlega að beygja sig undir vilja þeirra bláu í málinu.  Það er víst lýðræði í hugum Sjálfstæðismanna!!

Hitt er svo aftur annað mál hvort að þessi REI gjörningur allur er eitthvað sem vit eða óvit í, eða hvort að þetta er spilling af stærstu gráðu, ég veit bara einfaldlega ekki nóg til að meta það, en sitt sýnist hverjum um það.

Sumir málsmetandi aðilar hafa talað um spillingu bæði hjá Framsókn í þessu máli og aðrir beina fingri að Sjálfstæðismönnum og þeir benda hver á annan. Ekki veit ég, en mér finst þessir kaupréttarsamningar (það litla sem ég hef heyrt) frekar vafasamir, og einnig matið á þessum verðmætum.  Þetta er eins og einn góður hagfræðingur sagði eitt sinn "það er best að gefa sér niðurstöðuna fyrst og reikna svo, þar til henni er náð"

Það er margt skrítið í hausnum á kúnni......

Fram og til baka

Ekki hefur þessi ákvörðun verið tekin nema af illri nausyn.

En bráðum fyrrverandi starfsfólk Eskju verður kanski að gera sér það að góðu að keyra Axarveg fram og til baka, því að hann er jú mótvægisaðgerð við þorskskerðingu.

Öllu starfsfólki í frystihúsi Eskju sagt upp

Eina í hvern fjórðug

Gott mál að ráðamenn séu loks að vakna til lífsins með fjölgun björgunarþyrlna, og vonandi hafa þeir rænu á því að hafa þær ekki allar á Torfunni eins og nú er.

Ein á Akureyri væri góð byrjun, það myndi stytta tíman sem tekur hana að sinna Norðurlandinu frá Skagafirði og alla leið á austfirði um helming.  Næst skref yrði að koma annarri fyrir á Norðfirði, í tenglum við Fjórðungssjúkrahúsið þar eða á Hornafirði, því þá væri hún mitt á milli Torfunar og Akureyrar.

Þá etum við farið að tala um að það sé komið eitthvað skipulag á þyrlubjörgunarsveit Landhelgisgæslunnar.

Sjáum hvað setur...

Dómsmálaráðherrar Íslands og Noregs ræða um þyrlukaup