Hmmmmm

Ekki get ég nú séð að þörfin eða notkunin minki mikið ef t.d. eldsneyti hækkar, fólk þarf væntanlega að fara áfram á milli staða.  Þetta verður að öllum líkindum bara til hækkunar, það liggur í hlutarins eðli.

Það má velta því fyrir sér afhverju fjármálaráðaneytið ákvað fyrir einhverjum misserum síðan að lækka aðflutningsgjöld á stórum jeppum, á meðan ekki var lækkað neitt fyrir dísilbíla eða tvinbíla eða bara bíla sem eyða litlu eldsneyti og eru léttari og vara þessvegna betur með vegina.

Fyrsta skrefið ætti að sjálfsögðu að vera að lækka aðflutnigsgjöld og tolla af neyslugrönnum bílum, næsta skref ætti að vera að taka upp skattlagningu á notkun veganna og lækka bensín og dísilgjald til að mæta því.  Þessar aðgerðir myndu valda því að influtningur og notkun á eldsneyti myndi minka, ekki í einum grænum reyndar heldur eftir því sem að bílaflotinn breyttist.

En ég er smeykur, smeykur um að allir skattar og öll gjöld hækki bara......

Unnið að endurskoðun á skattlagningu á ökutæki og eldsneyti

Uppbygging fiskistofna.

Ég frétti af bónda norður í landi sem slátraði alltaf fénu sínu rétt fyrri sauðburð, hann skildi svo ekkert í því afhverju bústofninn fór sífelt minnkandi og að það kæmust ekki nema örfá lömb á legg á hverju vori.

Þetta er nátúrulega allta saman uppspuni, en heimfærum þetta á sjávarútveginn, þar sem að til langs tíma hefur það tíðkast að veiða hrygningarfisk af stærstu gerði í net í massavís, og svo skilur engin afhverju nýliðun í þorskstofninum er ekki meiri en raun ber vitni..

Reyndar hefur þetta eitthvað breyst til batnaðar á síðari árum, en kanski er það fullseint í rassinn gripið....

Ítalska mafían....

Veldur rafmagnsleysi á Vopnafirði.......

Já skoðum þetta aðeins betur, Vopnafjörður varðrafmagnslaus, og vilja sumir ágætir menn þar kenna Alcoa Fjarðaáli um, en það er ekki Fjarðaáli að kenna að landsvirkjun er á eftir áætlun, það er Impreglio að kenna og ef eitthvað er að marka það sem sumir halda fram þá er Impreglio rekið af ítölsku mafíunni....

Þannig að Ítalskir mafíósar bera ábyrgð á 4 klst rafmagnsleysi á Vopnafirði....

Sjá nánar í þessari frétt af Ruv .is...

http://ruv.is/heim/frettir/frett/store64/item169723/

Komum þjóðvegunum niður á láglendi...

Jamm einn þarna og annar hér, þetta gerist nær undantekningarlítið í fyrstu snjóum, og því ætti það að vera algert forgangsatriði að fækka fjallvegum, og það sérstaklega á þeim leiðum sem tengja saman landshluta og stærii byggðir.

Engin vegur sem hefur mikla umferð ætti að fara yfir 300 metrana ef það er nokkur leið til að komast hjá því, og þetta er hlutur sem fylgjendur hálendisvega ættu að hafa í huga.

Ég hef áður minnst á þetta og ég held að menn eigi að skoða það verulega vel áður ráðist er í misgáfulegar framkvæmdir í hvaða hæð vegurinn á að liggja.

Sjá nánar hér http://eirag.blog.is/blog/eirag/entry/137227/

 

Sendibifreið lenti utan vegar í mikilli hálku á Fjarðarheiði

1

Óþarfur og úreltur...

Sögðu bankarnir um íbúðalánasjóð, og frjálshyggjumenn og stuttbuxnadeild Sjálfstæðisflokksins söng þann söng með þeim.

Hvað er nú að koma á daginn??

Tilraun bankana til að knésetja sjóðinn tókst ekki og nú eru þeir að hækka vextina, þrátt fyrir fullyrðingar á sínum tíma um að það myndi ekki gerast.

Íbúðalánavextir hafa hækkað um 43%

Við erum stödd......

Í vinalegum fallegum bæ úti á landi.

Við horfum í kringum okkur, og þá kemur í ljós að það eru 300 metrar í grunnskólan og svipað  í leikskólan, það eru 600 metrar í matvöruverslunina á staðnum 350 metrar í heilsuræktina og íþróttahúsið, 800 metrar í kirkjuna og svipað í heilsugæsluna, og samt er húsið sem við stöndum við alls ekki í miðjum bænum.

Ekki nóg með það, heldur eru 150 metrar í gjöfulan berjamó, og ef maður gengur 50 metra í viðbót getur þú týnt lerkisveppi og á veturna gætir þú veitt rjúpu, en þarft reyndar að labba um 800 metra í viðbót því að ekki má skjóta rjúpu innanbæjar.

Þennan dag sem við erum þarna eru hreindýraveiðimenn að veiðum í ekki nema um 5 km fjarlægð og úti á spegilslettum firðinum eru tveir félagar að draga þorsktitti á sjóstöng sér til búdrýginda og ánægju.

Ef að fólk kýs gönguferð í nánast ósnortnu umhverfi þarf ekki nema að rölta í 10-15 mínútur og þá er bærinn og oll ummerki um annað en ósnortna náttúru, horfið sjónum okkar.

Hvar finna menn svona einstakan stað með öllum þessum gæðum??

Ég á .....

Tvö af þeim börnum sem fengið hafa undanþágur frá Heilbrigðiseftirlitinu og ég skrifaði uppá undanþágur fyrir þau bæði með glöðu geði

Ekki er ég fanatískur á reykingar, reyki nú ekki mikið sjálfur en engu að síður finnst mér að þetta sé nú komið út fyrir allan þjófabálk þetta reglugerðarfargan í kringum þetta allt saman.  Á meðan þetta er löglegur varningur og það er löglegt að 14 ára ungmenni vinni við afgreiðslustörf þá eru þetta bara öfgar og ekkert annað að banna þeim að afgreiða eina vöru.

Tökum eldra barnið mitt sem þarna vinnur sem dæmi, hann er 17 ára og er þarna í fullri vinnu, er meira að segja yfir sinni vakt og er að standa sig vel í vinnu, hann má hinsvegar ekki afgreiða tóbak, hvaða helv... rugl er þetta. 

Og svona til að árétta það misræmi sem er í lögum og reglugerðum varðandi aldur og leyfi til að gera eitt og annað þá er til dæmis hægt að benda á það að hann má ekki eiga bíl nema hafa til þess leyfi frá sýslumanni, hann má síðan á næsta ári eiga bíl og gifta sig, en ekki skála í kampavíni í eigin brúðkaupi.

Honum er semsagt treyst til þess að stofna fjölskyldu, fjarfesta í fasteignum stofna fyrirtæki, en hann verður að bíða í 2 ár til viðbótar með það að skála fyrir brúði sinni.

Ef aftur á móti 12 ára gamalt barn þarf á flugfari að halda innan lands sem utan telst það fullorðið en ekki barn.

Ég tek takmörkunum á reykingum fagnandi, en öllu má nú ofgera.

14 ára fá undanþágu til að afgreiða tóbak

Var að........

Skoða hjá mér bókahillurnar í gær og rakst þar á bók sem ég fékk fyrir 21 ári síðan, senda mér að kostnaðarlausu, sem greiðslu fyrir ritstörf.....

Þannig var má með vexti að gefin var út bók til heiðurs Guðmundi Magnússyni fræðslustjóra er hann varð sextugur að aldri, og var ég beðin um að skrifa litla ritgerð um skólavist mína og jafnaldra minna í gamla Stígandhúsinu á Múla í Álftafirði.

Þar skrifaði kennari okkar,  Kolfinna, um skólahaldið eins og það var á þessum árum (1979-1982)

Skólahald var frekar sérstakt í þessu húsi og við sem í þennan skóla gengu fengum rétt um 100 dögum minna í skólavist en jafnaldrar okkar í stærri skólum, vegna þeirra aðstæðna sem þarna voru, en það virðist ekki hafa komið niður á lærdóminum að nokkru leiti.

Ég læt þessa ritgerð fylgja hér með:

Gamli skólinn.

Veturinn 1979-80 var fyrsti veturinn sem kennt var í samkomuhúsi sveitarinnar og jafnframt fyrsti veturinn minn í skóla.  Áður hafði verið kennt um sveitina hér og þar í heimavist.  Þetta var einnig fyrsti veturinn sem ekið var daglega með okkur krakkana í skólann. 

Fyrstu vikurnar var aðeins kennt eftir hádegi vegna þess að verið var að byggja við gamla húsið.  í þessari viðbyggingu var öll hreinlætis aðstaða skólans.  Þegar viðbyggingunni var lokið var einnig byrjað að kenna fyrir hádegi.

Fyrstu veturna var ég aðeins þrjá daga vikunar í skóla og fóru þá tveir í bóklegt nám en síðan einn í smíðar, handavinnu og teikningu.  Leikfimiaðstaða þessum skóla var ekki uppá marga fiska, enda voru gólffjalirnar ólakkaðar svo að maður var aldrei laus við flísar.  Helst þurftu menn að vera í skóm til að sleppa við flísarnar.

Næsta vetur var kennt í fyrsta sinn í tveimur "stofum". Var aðstaðan til þess alls ekki næganlega góð enda húsið bara einn salur og svið.  "Skólastofurnar" voru salurinn og sviðið.  Veggurinn þar á milli var þunnt tjald og ekki þurfti mikinn hávaða til þess að hann bærist á milli.

Okkur krökkunum þótti mjög gaman í skólanum, sérstaklega þegar við áttum að elda súpu í hádeginu.  Svo sötruðum við súpuna úr könnu með nestinu okkar.  Suma daga fengum við meira að segja pylsur en það var nú ekki mjög oft.  Í leikfiminni var oftast mjög gaman (ef við fengum ekki flís) og sér í lagi þegar við vorum á slánni.  Sláin var járnpípa sem var til að styrkja veggina í salnum og lá yfir hann þveran.  Auðvelt var að hanga á slánni og notuðum við krakkarnir okkur það óspart.  Við héngum á höndum og fótum og fórum í gegnum okkur og dingluðum í allar áttir.  Þetta var mjög vinsælt.  Eitt var það sem okkur líkaði ekki og það var að mega ekki leika okkur neitt að ráði inni.  Við vorum alltaf send út þegar við ætluðum að leika okkur.

Ég man vel eftir því þegar verið var að byggja nýja skólann.  Þá fórum við oft þangað og létum okkur dreyma um þá daga er við yrðum í þessum skóla.  Og svo kom að því að við fluttum í nýja húsið.  En þó að aðstaðan í nýja skólanum væri að öllu leiti betri en í þeim gamla, þá eigum við öll okkar góðu minningar um gamla góða skólan okkar.

Já á misjöfnu þrífast börnin best ekki satt??

Björgunin ógurlega....

Átti sé stað um daginn þegar ég og nokkrir aðrir félgar í björgunarsveitinni Ársól á Reyðarfirði fórum og aðstoðuðum Ómar nokkurn Ragnarsson við að bjarga "´Rósu" af botni Hálslóns. 

Gekk björgunin eins og í góðri lygasögu enda þvílíkir snillingar á ferð, Ómar Ragnarsson, Árni Kópsson og Björgunarsveitin Ársól.

Þetta var reyndar alger snilldar dagur, því að þessi sigling um lónið á þessum góðvirðisddegi var þrælskemmtileg, og eigum við alveg klárlega eftir að fara aftur þarna inneftir fljótlega, því að þessari ferð gafst okkur ekki tími til að fara alla leið inn að jökli, en það er næst á dagskrá.

En þetta var þrælgaman og verður mér amsk minnisstætt lengi.

Hér http://picasaweb.google.com/Asbyrgi/BjRgunHLslNi eru myndir úr ferðinni.....

Adíos