Íslensk peningatré...

Í Austurglugganum nýverið var stutt viðtal við Innanríkisráðherra, Ögmund Jónasson og þar tjáir hann sig um ný Oddskarðsgöng. Skemmst er frá því að segja að þar eru þessi jarðgöng slegin út af borðinu, allavega næstu misseri vegna skorts á fjármagni, að sögn ráðherra.

Þessi orð hans vekja furðu hjá mér því að á sama tíma er ríkið í raun að fjármagna Vaðlaheiðagöng með kaupum á skuldabréfum af hlutafélagi því sem að byggir göngin (eignarhlutur ríkisins í því fyrirtæki er 51%) Stytting hringvegarins vegna Vaðlaheiðarganga er um 16 km, og því er ákaflega hæpið að þær 8 mínútur sem sparast í akstri (samkvæmt mælingum Eurorap) verði þess virði að greiða veggjald fyrir þær sem nægir til að endurgreiða ríkinu skuldabréf þau er keypt verða til að fjármagna framkvæmdina.

En látum það liggja á milli hluta í bili, tilgangur þessara skrifa var ekki að ráðast á Vaðlaheiðagöng sem slík, heldur benda á mikilvægi þess að ráðast í gerð jarðganga milli Eskifjarðar og Norfjarðar sem allra fyrst og að bera saman þessa tvo kosti og velta því aðeins upp hvað sé það sem veldur því að aðra sé hægt að fjármagna með opinberu fé en hin ekki..

Í fyrsta lagi við ég nefna þau loforð ríkisvaldsins um tengingar innan þess sveitarfélags sem nú heitir Fjarðabyggð, miklu var lofað en minna um efndir, og hafa sveitarstjórnarmenn hér þurft að berjast fyrir hverjum metra, þrátt fyrir að við séum að tala um umferðarþyngstu vegi á Austurlandi t.d. Hólmaháls, þar sem þurfti að beita gífurlegum þrýstingi til að fá úrbætur á vegi sem var í raun stórhættulegur á sama tíma og hann er umferðarþyngsti vegur austanlands.

En rökin með göngum er vel þekkt, en ætla ég að tína þau til einu sinni enn. Norðan við Oddskarð er annar stærsti byggðarkjarni Austfjarða, með um 1.500.- íbúa, þar er staðsett sjúkrahús fjórðungsins, Verkmenntaskóli Austurlands hefur þar sína starfsemi, eitt af stærstu sjávarútvegsfyrirtækjum landsins, Síldarvinnslan er þar staðsett og er stór atvinnuveitandi fyrir Austfirðinga, margskonar þjónustufyrirtæki starfa á Neskaupstað, sem bæði fá vinnuafl og selja sína þjónustu íbúum og fyrirtækjum sunnan Oddskarðs.

Milli 50 og 60 manns sækja vinnu daglega yfir Oddskarð í eitt fyrirtæki á austurlandi (Alcoa Fjarðaál) og má gera ráð fyrir því að það sé ekki eina dæmið um slíkt báðar leiðir yfir Oddskarð, en við vitum að Launafl, Síldarvinnslan, VHE, Heilbrigðisstofnun Austurlands, Fjórðungssjúkrahúsið, Fjarðabyggð og fleiri atvinnurekendur treysta á að fólk komist ferða sinna til og frá Norfirði sem greiðast.

Fjallvegurinn er einn sá hæsti á landinu utan miðhálendisins og liggur í yfir 600 metra hæð yfir sjó á snjóþungum fjallgarði, það snjóþungum að aðalskíðasvæði Austfirðinga er staðsett þar og má benda á að oft eru opnunardagar þar fleiri en á öðrum skíðasvæðum landsins vegna staðsetningar og snjóalaga. Núverandi göng eru að hruni komin, fólk veigrar sér við að fara í gegnum þau vegna hruns og þrengsla, og nýleg dæmi sýna svo ekki verður um villst að fullþörf er á endurnýjun.

Næst ber að nefn þau rök að Norfjarðargöng ættu að vera fyrsti áfangi í því að tengja Austfirðina með alvöru nútíma samgöngum og hefur verið ljáð máls á því að næsti áfangi á eftir nýjum Norfjarðargöngum ætti að vera göng milli Norfjarðar og Seyðisfjarðar um Mjóafjörð, en skýrsla RHA sýnir það svart á hvítu að það er einn arðbærasti jarðgangakostur á Austurlandi og myndi það breyta öllu umhverfi Austfirðinga og austfirskra fyrirtækja, samgöngulega séð.

En þrátt fyrir öll þessu haldgóðu rök, þá er þetta ekki hægt það eru ekki til peningar… Segir ráðherrann.

En dæmið hér fyrir ofan af Vaðlaheiðargöngum sýnir að það eru greinilega til peningar, íbúar Norfjarðar og Austurlands hafa jafnvel lýst því yfir að þeir séu tilbúnir að greiða veggjald, þó ekki séu menn einhuga um þá leið. Því sé ég ekkert því til fyrir stöðu að stofnað verði hlutafélag um Norfjarðargöng og ríkið kaupi skuldabréf til að fjármanga göngin rétt eins og gert er fyrir norðan. 

Vissulega er meiri umferð um Víkurskarð, eða um 1.256 bílar á dag (2010) en 436 um Oddskarð, en ef borið er saman hlutfall ÁDU og SDU þá er hlutfallið í Oddskarði 84% á meðan það er einungis 59% yfir Víkurskarð, sem segir að hærra hlutfall umferðar tengist afþreyingu og sumarleyfum, og því má gera því skóna að stórt hlutfall sumarumferðar fari áfram um Víkurskarð og spari sér veggjaldið og njóti útsýnisins á meða, því íslensk fjöll eru öll eins innanfrá séð.

En ég held að þetta snúist ekki um peninga, þetta snýst um eitthvað allt annað.

Margsinnis hafa ný Norfjarðargöng verið í umræðunni og alltaf eru menn sammála um mikilvægi þess að þau séu byggð, en ekkert gerist öðrum göngum er kippt fram fyrir og þessi mikilvæga samgöngubót látin sitja á hakanum. Það eru til fjármunir í þessa framkvæmd, það þarf bara að forgangsraða upp á nýtt, við gerðum það þegar tekin var ákvörðun um að klár að byggja minnisvarða um hrunið (Hörpuna), þeir eru til þegar byggja á háskólasjúkrahús sem varla verður hægt að manna eða reka vegna landflótta læknastéttarinnar og niðurskurði í rekstri heilbrigðisstofnan, þeir eru til þegar kemur að því að rjúfa land á Hólmsheiði til byggingar á fangelsi þó að það hafi verið bent á fljótlegri, einfaldari og umfram allt ódýrari lausnir. Og peningarnir eru til þegar kaupa þarf skuldabréf af fyrirtæki í meirihlutaeigu ríkisins til að fjármagna göng undir Vaðlaheiði.

Ég spyr því hæstvirtan innanríkisráðherra.. Vaxa bara peningar á norðlenskum og sunnlenskum trjám eða snertir framkvæmd Norfjarðaganga ekki nógu marga atkvæðabæra einstaklinga til að þau séu „arðbær“ ?

Og þarna er...

Harðbannað að keyra vélsleða eftir 1. maí..!! 

Í reglum um Vatnajökulsþjóðgarð er ekki heimilt að ferðast um á sleðum á þessu svæði eftir 1. maí.  Er ekki alveg tilefni til að endurskoða það eitthvað, þarna er ennþá núna í dag (27. júní.) prýðis sleðasnjór.

Þetta sýnir svo óumdeild er á hversu miklnum villigötum sumt sem tengist þessum "þjóðgarði" er.

Það er ekki heil brú í þessu ágæta fólki sem þetta hefur planað...

Öskjuferðir hafnar úr Mývatnssveit

Rómantík...??

Eitt af einkennum rómantíkur í íslenskum bókmenntum eru að í stað þess að leita sér fyrirmyndar klassískri fornöld beindu menn sjónum að þjóðsögum og þjóðkvæðum. Í þeim sáu þeir ,,skáldskap þjóðarinnar" því þjóðkvæði og þjóðsögur áttu að hafa orðið til án milligöngu einstaklinga, það var þjóðin sjálf sem orti. Þetta tengist hugsunum um ,,þjóðarsálina" og snertir þjóðernisáhuga manna. Í stað alþjóðahyggju upplýsingarinnar leggja skáldin áherslu á séreinkenni þjóðanna, gerast þjóðernissinnar.

Einstaklingshyggja varð einnig ráðandi með aukinni áherslu á tilfinningarlíf, skynjun einstaklingins á umheimi sínum og sjálfstæði mannsins gagnvart skaparanum var eðlilegt að hugmyndir um mannin tækju ýmsum breytingum. Hetjudýrkun fór vaxandi og fór hún vel saman við áhuga manna á fornbókmenntunum, Íslendingasögunum og Eddukvæðunum.

Einnig vaknaði þrá eftir hinni horfnu paradís, að verða aftur ,,heill", fullkominn.

Þessi upptalning hér að ofan er langt frá því að vera tæmandi og ekki endilega kórrétt, en með því að renna í gegnum nokkrar greinar og ritgerðir um rómantík í íslenskum bókmenntum þá mátti finna m.a. þessar lýsingar. Nú ber svo við að rómantík er ekki eins mikil í bókmenntum landans, heldur er meira gert út á raunsæi í bókum samtímans, en í stað rómantíkur á blaðsíðum landans hefur þessi stefna haldið innreið sína á Alþingi Íslendinga.

Helsta birtingarmyndin þessa dagana eru hinar umdeildu strandveiðar, og má finna ákveðna samsvörun í þeim við það sem hér er sagt að ofan, en það er frelsi einstaklngsins og “hetjur hafsins” sem þar fá nýja skýrskotun, einstaklingurinn sem berst fyrir brauði sínu með vinnu, erfiðisvinnu og sækir björgina í greipar ægis einn og óstuddur, engum háður og “Bjarts í Sumarhúsum” heilkennið svífur yfir vötnum eins og dalalæða að morgni..

En hver er hin sanna rómantík í málinu…??? Sjávarbyggðirnar fyllast lífi þegar gamlir sjóhundar og trillukarlar sem vart geta gengið eftir að hafa rúntað um götur bæjarins á bílnum sínum í 20 ár, á bílnum sem þeir keyptu þegar þeir seldu útgerðarfyrirtæki bæjarins kvótan sinn jafnvel oftar en einu sinni. Gamla trillan sem þeir héldu eftir því að hún var verðlaus, er síðan gerð sjóklár með fé sem beðið hefur inn á bók, fé sem fékkst fyrir sölu kvótans og handfærum síðan dýft í sjó til að krækja í þann gula og smella honum á land.

Þær fyllast lífi þegar áhafnarmeðlimir á stærsta skipi byggðarlagsins, sannir hátekjumenn sem kaupa sér trilluhorn til að dunda sér á í frítúrum, er nú notað til að öngla upp þeim gula á handfærinn þegar ekki gefur á aflaskipinu eða einfaldlega þegar frí er og gott veður.

Þær fyllast lífi þegar opinber starfsmaður notar sumarfríið sitt til að róa á gömlum bát sem hann erfði eftir afa sinn, en afinn settist í helgan stein þegar trillukvóti varð seljanlegur og gaf barnabarni sínu bátin svo að hann gæti skotið sér svartfugla og pokaendur í soðið, en nú er sá bátur með öðrum að öngla upp tonnunum sem tryggja eiga nýliðiun í greininni. En starfsmaður hins opinbera leggur ekki vinnunni heldur notar veiðarnar til að hreinsa hugan og slaka á og þegar ekki gefur sinnir hann sinni vinnu sem áður.

Sjávarbyggðirnar fyllast lífi þegar flutningabíllinn kemur að hafnarkantinum til að tína upp fiskana sem veiddir eru, til að keyra þeim á markað í fjarlægu byggðarlagi og þaðan er fiskurinn seldur til vinnslu eða jafnvel sendur ferskur erlendis svo að þær hendur sem á honum snerta eru fáar og handtökin fá.

Vissulega má segja að þessi mynd sem hér er dregin upp sé svört, en hún er ekki jafn svört og sú mynd sem máluð hefur verið af strandveiðunum er hvít.

Vissulega eru nýjir menn að hasla sér völl í skjóli þessara laga og er það vel, en hefur einhver tekið það út hversu mikið af aflanum er landað af fólki eins og hér er lýst að ofan..??

Hefur einhver tekið það út hversu mikið af aflanum er unnið í sjávarbyggðinni sem veiðunum er ætlað styrkja… ??

Hefur einhver tekið það út hver arðurinn er af veiðunum hjá þeim sem veiðarnar stunda…??

Hefur þetta kerfi yfir höfuð verið skoðað með gagnrýnum huga og það skoðað hverju það er að skila og hversu nálægt það er þeirri rómantísku mynd sem dregin var upp af þeim í upphafi…??

Mér vitanlega hefur það ekki verið gert, en það er tímabært að velta upp þessum spurningum og rýna til gangs öllum til heilla.

Góðar stundir…

Ég held að....

Ráðherran sé ekki með réttu ráði...

Í fyrsta lagi þá eru fyrirtækin að færa vaxtareikning sinn aftur fyrir dóm hæstaréttar sem er í algeru ósammræmi við meginreglu allra lagasetninga lög eiga ekki að vera afturvirk og það eru dómar ekki heldur..

Í öðru lagi má túlka lögin á þann veg að það sé óheimilt að reikna vexti nema á upprunalegan höfuðstól en það eru fyrir tækin ekki að gera með sínum aðferðum, heldur eru þau að bæta við höfuðstólin vöxtum og reikna síðan vexti af því.

Ég held að það sé löngu tímabært að þetta ágæta fólk sem hingað til hefur tekið stöðu með bönkum, fjármagnseigendum og síðast erlendum vogunarsjóðum.. fari að vinna fyrir fólkið í landinu... 

Ávinningur kominn fram

Ekki var nú mikið um....

Sleðaferðir í vetur.. en þó var ein góð farin, en það eina sem skyggði á þennan góða dag var það að sleðin hans Inga ákvað að gefa upp öndina í ferðinni.. en það verður örugglega komið í lag fyrir næsttu vertíð.

En ég tók slatta af myndum í ferðinni og deili þeim hér með...

Hvaða áhrif...

Mun þetta hafa...?

Komi til þessarar skattheimtu , leggst þessi skattur á byggðir sem byggja á fiskveiðum og vinnslu sjávarafurða. Áhyggjur eru einfaldlega þær að framangreindar hugmyndir munu að öllum líkindum leiða til þess fjármagn verði fært frá landsbyggðinni til höfuðborgarsvæðisins.

Vífill Karlsson hagfræðingur hefur sýnt fram á að skatttekjur af landsbyggðinni eru u.þ.b. tvöföld sú upphæð sem ríkið eyðir á landsbyggðinni. Á mannamáli þýðir þetta einfaldlega að af hverjum tveimur krónum sem landsbyggðarfólk borgar í skatt fer ein króna í að byggja upp opinbera þjónustu í heimabyggð en önnur króna í sameiginlega þjónustu í Reykjavík. Ef farið er aðeins dýpra í þess umræðu hefur málum verið þannig fyrir komið að 75% af ráðstöfun tekna ríksins er á höfuðborgarsvæðinu en aðeins 25% utan þess. Um 42% af þeim fjármunum sem ríkið aflar með sköttum kemur frá höfuðborgarsvæðinu, en 58% utan þess.

Er þetta ekki orðið gott.. ?? Væri nú ekki nær að fara skila þessari "auðlindarentu" til sjávarbyggðana, því að það er ekki nóg að það sé útgerð og kvóti ef að krónurnar sem koma inn fyrir pakkan renna allar í ríkissjóð sem skiptir þeim svo með þeim ósanngjarna hætti sem bent er á hér að ofan.

Nær væri að þessir fjármunir rynnu óskiptir til sjávarbyggðanna hver einsasta króna og kæmu þær að góðum notum þar í uppbyggingu á þjónustu við fólkið í sjávarbyggðunum, en skortur á þjónustu er stundum nefndur sem einn af áhrifavöldunum þegar ræddur er búferlaflutningur af landsbyggðinni.

En rennið endilega yfir þessar tölur hér að ofan.. Mér finnst þetta sláandi og maður veltir því fyrir sér hvort að ekki þurfi að stokka spilin og gefa uppá nýtt..

 

30% gjaldsins til sjávarbyggða

Væri ekki....

Nær að skoða það fyrst að bora undir Oddskarð til Norfjarðar...??

Ég er í það minnsta á því það er einn hæsti fjallvegur í íslenska vegakerfinu sem er ekki hálendisvegur og löngu tímabært að fara undir fjallið milli Norfjarðar og Eskifjarðar í stað þess að aka þar yfir.

Einnig eru önnur rök með því að ráðast í göng undir Oddskarð, en þau göng áttu að koma hér í kjölfar álversframkvæmda til að gera Austurland að einu atvinnusvæði, en ekki hefur verið staðið við það en, þrátt fyrir að allt sé klárt skipulag rannsóknir og allur pakkinn, þarna hefði geta farið fram forval í dag...

Og að lokum þá virðast göngin vera að hruni komin samanber frétt á heimasíðu Fjarðabyggðar

http://www.fjardabyggd.is/Forsida/Itarlegrifrettir/hrun-i-oddskardsgongum

En það má ekki skilja þetta sem svo að þessi framkvæmd sé ónauðsynleg.. Alls ekki, hún á fullan rétt á sér, en hér greinir á um forgangsröðun, það eru jú í það minnsta 4 leiðir úr Eyjafirði og þar af eru alla vega 3 sem hafa fulla vetrarþjónustu meðan Norfirðingar berjast við að fara þessa einu sem í boði er önnur en sjóleiðin auðvitað.

Sex vilja gera Vaðlaheiðargöng

Hverjar voru athugasemdirnar....

Við frummatsskýrslu Vegagerðarinnar um Axarveg..??

Umferðarkönnun.

Umferðarkönnun náði ekki til umferðar eftir kl 23:00 en megin umferð þungaflutninga fer fram að næturlagi, og því vantar þá umferð alveg inn í jöfnuna. Miðað við vitnisburð flutningafyrirtækja á Austurlandi fer yfir 95% af öllum þungaflutningum um firði og ólíklegt að nýr vegur um Öxi breyti nokkru þar um. Þessu til stuðnings má benda á síðu 14 í umferðarkönnuninni þar sem fjöldi þungra bifreiða nær ekki 2% en það er mun minna en eðlilegt má teljast á þessum tíma árs, þegar aðföng og flutningar inn á Austurlandið eru í hámarki.

Þessu andmælir Vegagerðin í sínu svari til nefndarinnar og telur að það hafi óveruleg áhrif á könnunina að það var ekki verið að kanna umferð að nóttu til og bendir einnig á að það sé hagur flutningafyrirtækja sem og annarra að fara styðstu leið.  Einnig bendir Vegagerðin á að hluti þungaumferðar í heildarumferð sé innan við 6% og því ekki um mikla skekkju að ræða.

En ég verð að bæta því við að í þessu samhengi er Öxi ekki styðsta leið því að tvö stærstu fyrirtækin í landflutningum á Íslandi eru í dag að keyra firðina og munu gera áfram því að umsvif þeirra á Reyðarfirði eru mun meiri en á Héraði. 

Hæpið er að reikna með því að 90% þeirra sem leið eiga um þessi vegamót, kjósi að aka Axarveg þó að hann væri uppbyggður eins og gert er í skýrslunni. Þessi útreikningur er byggður á umferðarkönnun sem framkvæmd var við vegamótin fimmtudaginn 17. júlí og laugardaginn 19 júlí. Nær 80% ökumanna eru í sumarleyfi, og innan við 20% fara veginn oftar en en mánaðarlega. Einnig eru um 50% af ökumönnum erlendir, og breytir það miklu um endanlega útreikninga þessa models. Mun eðlilegra hefði verið að reikna með því að 50% vegfarenda myndi velja styttri leið og taka þar með tillit til áðurnefndra þátta.

Þessu hafnar Vegagerðin einnig, á svipuðum forsendum og fyrstu ábendingunni er hafnað, en það sama á við hér að þetta er spurning um áfangastað, það verður alltaf betra fyrir þá sem búa og starfa í Fjarðabyggð og fyrir þá sem þangað eiga erindi að fara firðina og í Fjarðabyggð búa um 5.000 manns sem er ansi stór hluti íbúa fjórðungsins sem telur um 12.000 manns ef ég man rétt.

Í Eftirmála umferðarkönnunar (bls. 18) er bent á marga óvissuþætti sem gerir könnunina óáreiðanlegri en ella, og full ástæða er til að taka það til athugunar.

Ég hvet alla til að skoða könnunina og óvissuþættina og annmarkana sem Vegagerðin bendir sjálf á í sinni eigin könnun 

Stytting um Berufjarðarbotn.  Í skýrslu um lífríki og fjöru í Berufiriði er ekkert sem mælir gegn því að styðsta mögulega leið sé farin, en er það stytting uppá rúma 4 km. Hámarksstytting um Berufjarðarbotn ætti hér að vera markmið.

Niðurstaða könunnar leirunnar eru á þá leið að lífríkið í leirunum sé fremur fábreitt og engar sjaldgæfar tegundir dýra eða þörunga fundust á svæðinu, né heldur tegndir sem ástæða þykir til að vernda.Val á veglínu um Berufjarðarbotn.

Við val á veglínu ætti að velja styðstu mögulegu leið,   ÁDU um gatnamótin er samkvæmt umferðarkönnun 216 bílar, en samkvæmt heimsíðu Vegagerðarinnar fara 177 bílar um teljara sunnan Axarvegamóta, en 228 Norðan vegamóta. Sé miðað við að um 200 bílar keyri Berufjarðarbotn á degi hverjum að jafnaði og aki áfram út Berufjörð er styðsta leið að spara um 800 km á degi hverjum eða sem samsvarar 292.000. km. á ári. Ef notaðar eru áætlanir um 70 ádu um Berufjörð er mesta stytting að spara 102.000 km á ári. Sú áætlun er þó fjarri lagi, umferð um Berufjörð er mun meiri (ÁDU um Streiti eru 187 bílar.) Það eru því mikil og sterk rök fyrir því að fara styðstu leið með þennan veg.

Hér man ég ekki svo glöggt hvað Vegagerðin sagði um þennan lið, enda held ég að þarna sé fagaðilanum í raun sama hvaða lína er farin enda bjóða þeir sjálfir upp á 4 veglínur.  Hinsvegar hafa sumir ábúendur í Berufirði og íbúar á Djúpavogi lagst gegn styðstu leið og það yfirleitt á forsendum náttúruverndar eða sjónmengunar.

Reyndar gerir Vegagerðin athugasemdir við umferðartölurnar sem hér eru birtar fyrir ofan, enda hafði víxlst umferðarþungi beggja megin Axarvegar, en meiri umferð er sunnan þeirra en norðan, öfugt við það sem stendur í textanum hér að ofan.  Sennilega hefur þessi villa haft áhrif á svör Vegagerðarinnar.

Hönnun gatnamóta. Ákaflega hæpið er að reikna með mikilli minkun umferðar um norðanverðan Berufjörð, í kjölfar Axarvegar, gera má ráð fyrir því að umferð verði áfram meiri um Berufjörð, og má benda á vafaatriði í umferðarkönnuninni því til stuðnings, því eiga gatnamót að taka mið af og með tilliti til umferðaröryggis, og þungaflutninga sem eru að mestu um friði, þá á hönnun gatnamóta að taka mið af því.

Hér er einungis bent á þá staðreynd að umferðarþungi er alltaf látin stjórna hönnun gatnamóta, og er hægt að benda á fjölmörg dæmi því til stuðnings, t.d. við Höfn og Breiðdalsvík svo að við notum dæmi hér að austan, og þetta fyrst og fremst umferðaröryggismál.

Samanburður leiða. Bent er á að ekki sé gerður samanburður á öðrum valkostum en Öxi í matsskýrslunni en það er víðtekin venja þegar matsskýrslur af þessu tagi eru unnar að benda á mögulegar aðrar leiðir ef að ekki fæst samþykkt að leggja veginn eins og hann er hannaður á hverjum tíma.

Þessu hafnar Vegaerðin einnig og telur ekki að það sé hægt að bera saman aðra kosti við Axarveg með tilliti til styttingar leiða.  Það er gott og gilt að mínu viti, en það hefði nú ekkert kostað þá mikið erfiði að bæta inn nokkrum línum um mögulega aðra valkosti.

Þetta eru nú öll ósköpin, sem allt fjaðrafokið er útaf, og mér finnst það merkilegt hvað er hægt að blása þetta mikið upp í fjölmiðlum, en ég hygg að það sé einmitt tilgangurinn því illt umtal er betra en ekkert umtal og nú er aftur farið að ræða kosti og galla Axarvegar í fjölmiðlum, hægri vinstri og ég held að það hafi í raun verið tilgangur Oddvita Djúpavogshrepps með sínum ummælum á laugardeginum fyrir páska.

Það má því síðan við bæta að ég tel líklegt að skipulagsyfirvöld á Djúpavogi séu sammála Umhverfisstofnun þegar kemur að athugasemdum þeirra um styðstu mögulega veglínu í Berufirði en ósammála þegar ræða á aðrar athugasemdir við sömu framkvæmd.. Hverju svo sem það sætir.

Ég persónulega tel umsögn Umhverfisstofnunar frekar ýkta, áhrifin eru að mínu viti fyrst og fremst sjónræn og þau eru töluverð, en hvaða vegur hefur ekki áhrif á landslagið sem hann liggur í gegnum ég bara spyr...??

Og eitt að lokum.

Er það alger tilviljun að það hefur aldrei hvorki fyrr né síðar mælst jafnmikil umferð um vegamótin í Berufjarðarbotni og yfir Öxi en einmitt á laugardeginum 19 júlí.

Ég veit ekki, en veit það einhver annar..?? 

Ég vil að lokum taka það fram þvi að það virðist vera nauðsynlegt, að mitt blogg er skrifað af mér, og endurspeglar mínar skoðanir sem einstaklings en ekki Bæjarstjórnar Fjarðabyggðar og og ég einn ber ábyrgð á því sem að hér kemur fram.. Aðrir meiga hafa þær skoðanir sem þeir vilja á mér og Axarvegi það er öllum frjálst og á meðan umræða  er málefnaleg, þá er hún til góðs.

Góðar stundir. 

Spurning um...

Að fara að skrifa eitthvað hér inn oftar, svona til að velta fyrir sér málefnum líðandi stundar, eins og t.d. umræðunni um Axarveg sem Oddvitinn heldur í fullkominni gíslingu.. Sá að sá mæti maður fer enn með staðlausa stafi og viss er ég um að hans sveitungar trúa honum í það minnsta einhverjir, enda er aðeins ein skoðun rétt og það er skoðun Andrésar Skúlasonar..

Hann er alveg búinn að gleyma eigin loforðum um að ef að allir geti staðið saman um vegbætur inn Skriðdal, þá skuli hann styðja færslu á Hringveginum um firði.. Nú er búið að bæta Skriðdalsveginn en ekkert bólar á stuðningi hans við færslu á þjóðveginum eins og hann lofaði..  Og eflaust kannast hann ekkert við það loforð, það hentar ekki í dag..

Hann er búinn að gleyma því að hann ásamt fleirum studdu frávísunartillögu á tillögu tveggja bæjarfulltrúa Fjarðabyggðar og eins fulltrúa Austurbyggðar á SSA þingi á Reyðarfirði, að valið yrði milli uppbyggingar á vegi yfir Öxi og vegi yfir Breiðdalsheiði og því fé sem ætlað væri í Breiðdalsheiði færi frekar í Axarveg..  Það sér það jú hver maður að það sé nóg að byggja upp einn fjallveg yfir Austfjarðafjallgarðinn á þessum slóðum... Nei kanski ekki hver einasti maður.

Hann kannast eflaust heldur ekki við það að það var ekki síst fulltrúum Fjarðabyggðar í samgönguhóp á SSA þingi á Höfn að þakka að loksins komst Axarvegur almenilega inn í upptalningu á þeim vegspottum sem Austfirðingar vildu sjá endurbætta.. Þegar það náðist sátt um það að telja upp alla spotta í þeirri röð sem þeir kæmu fyrir á korti að sunnan og norðurúr án þess að deila um forgangsröð eða annað slíkt.... Þar var undirritaður einn þeirra sem lögðu þetta til en einhverra hluta vegna eignar Oddvitinn þetta sínum fyrrverandi sveitastjóra, sennilega því það hentar áróðrinum gegn Fjarðabyggð betur...  

Það er nefnilega ekkert stríð ef það er engin til að berjast við... 

Furðulegt er einnig að hann skuli telja það runnið undan rifjum kjörinna fulltrúa þegar Jón og Gunna eða Ásmundur úti í bæ tjáir skoðanir sínar.. Það er kanski ekki skoðana frelsi á Djúpavogi en sem betur fer er það austar á fjörðunum.. 

Þetta minnir mann orðið á Göbbels áróðursmeistara Hitlers.. Hann sagði að ef að sama lýgin væri sögð nógu oft, þá yrði það að sannleik fyrir rest.. 

Góðar stundir.. 

Þetta er að hluta...

Til rétt hjá kalli.. Og aldrei þessu vant er ég hérumbil sammála, en það breytir ekki því að það að lækka álögur ríkissins á eldsneyti myndi að sjálfsögðu hafa áhrif til bóta fyrir heimilin.. Þar fer hann með rangt mál því það munar um hverja krónu.

Og það er annað sem er rangt hjá kalli, en það er krónur og aurar til vegamála... Nú í dag fara sennilega ekki nema 25% af því fé sem eyrnamerkt er þessum málaflokki í hann.. þannig að lækkun þarna kemur nú lítið niður á því....

En það er löngu tímabært að endurskoða þessar álögur.. 

Bensínlækkun breytti litlu